Filipinasit "zbarkojnë" në anijet e peshkimit në Durrës (VIDEO)

21/11/2019 - 17:35

Shqipëria po eksporton drejt Evropës dhe botës, jo vetëm mjekët, inxhinierët, ekonomistët e saj më të mirë por edhe profesionistët e thjeshtë, duke bërë që tregu sot të jetë i uritur për fuqi punëtore. Në këmbim të tyre po merr fuqi punëtore nga ishujt Filipine, sepse nuk ka kush të pastrojë, të hedhë e të ngrejë rrjetat e peshkut.

Mungesa e fuqisë punëtore po vihet re gjithmonë e më shumë, në shumë sektorë me impakt të madh social e ekonomik, si pasojë e largimeve masive të të rinjve drejt Evropës. Një prej industrive më të rëndësishme në Durrës, ajo e peshkimit është duke “vuajtur” thellësisht mungesën e fuqisë punëtore. Pronarët e anijeve kanë punësuar shtetas kryesisht filipinas, të cilët janë edhe të trajnuar për të kryer gjithçka në anije, që nga pastrimi i rrjetave e deri tek drejtimi i anijeve në gjueti.

Drejtori i Zyrës Rajonale të Punësimit në Durrës, Indrit Buka, në një intervistë për DurrësLajm tha se sektori i peshkimit ka nevojë për fuqi punëtore, por në treg mungon krahu i punës. Edhe ata të rinj që duan të punësohen, nuk i plotësojnë kriteret për t’u punësuar në anije.

Shtetasit filipinas janë një mundësi shumë e mirë për pronarët e anijeve të peshkimit në Durrës. Por një ligj i Ministrisë së Mjedisit, ministria e linjës, kërkon që pronarët shqiptarë të punësojnë një të huaj për 10 punëtorë shqiptarë, duke kushtëzuar në maksimum punësimin e të huajve, edhe pse fuqia punëtore mungon. Buka thotë se i është kërkuar ministrisë dhe ka nisur rishikimi i këtij kriteri për të mos u bërë pengesë për zhvillimin e industrisë së peshkimit. Krahas peshkimit, është fasoneria një sektor tjetër që kërkon fuqi të madhe punëtore dhe nuk mund të plotësojë kërkesat në zyrën e punës.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Shtyhet afati që kanë qytetarët për të regjistruar ndryshimin e pronësisë së mjetit pranë Drejtorisë së Përgjithshme të Transportit Rrugo

Rreziku nga koronavirusi ka anuluar pa afat Komisionin e Venecias. Sesioni plenar do të mbahej në Venecia në 20-21 mars, dhe komisioni do

Moti i keq i dy ditëve të fundit “shërbeu” për të depozituar në shëtitoren “Taulantia” në Durrës grumbuj me leshterikë, të cilët ju mbive

Në orën 18.00 të së premtes përfundon afati për të aplikuar tek platforma online e rindërtimit “Shtëpia ime”.

Zëdhënësi i Presidencës, Tedi Blushi ka reaguar pas thirrjes së ambasadës amerikane që shtetasit amerikanë të kenë kujdes më datë 2 mars,

Gjatë muajit janar 2020, në kalatat e portit të Durrësit janë përpunuar 304 mijë tonë mallra të ndryshme.

Ambasada e Shteteve të Bashkuara të Amerikës në Shqipëri i ka bërë apel qytetarëvet të saj të bëjnë kujdes ditën e hënë kur pritet të mba

Pas lajmit për arrestimin e botuesit dhe analistit Henri Çili, ka reaguar me një qendrim të unifikuar Profesorati i Universitetit Europia

Në Shqipëri botuesi i njohur Henri Çili, pronar i Universitetit Europian të Tiranës, një prej institucioneve arsimore më të mëdha në vend

Ministri i Brendshëm Sandër Lleshaj ka reaguar në “Twitter” pas publikimit të informacioneve nga Drejtori i Përgjithshëm i Policisë së Sh