Flet nëna e Ilir Karelit: Kërkoj drejtësi për djalin e vrarë në Greqi

Postuar: 29/03/2014 - 15:00

Fier, 29 mars 2014 - Familjarët e Ilir Karelit që u gjet i vrarë në qelinë e burgut në Greqi kërkojnë drejtësi nga shteti. E wma e viktimws pretendon se djali është vrarë dhe kërkon që trupi i tij të sillet sa shpejt në atdhe. 12 vjet pa e parë djalin po e pret të vdekur. Resmie Kume, nëna e Ilir Karelit mes lotëve tregon se ka shkuar disa herë për të takuar djalin ne Greqi, por nuk e kanë lejuar. 

“Asnjëherë nuk më kanë lejuar ta takoj. I vajti thika në eshtër që e bëri atë krim, ti jepnin dënim po jo ta masakronin, unë jam e vdekur për vete. Ai bënte kërkesa për të më takuar, asnjëherë nuk e lejuan. Arsye tjetër nuk besoj të ketë pasur, vetëm për këtë e bëri"-, rrëfen nëna e tij.

Më tej Rasime Kume kërkon që trupi i pajetë i të birit të kthehet në Shqipëri, që ajo të mund ta shohë për herë të fundit, si dhe të vihet në vend drejtësia për këtë ngjarje. "Frymë si japin dot më, s’ma sjellin dot çunin, por të vendosin drejtësi”. 
Familjarët janë të bindur që Ilir Kareli është vrarë nga keqtrajtimet dhe torturat në qelitë e burgut ne shtetin grek. Ilir Kareli që në fshatin e Zhupan të Fierit njihej si Kudret Kume u gjet i vrarë , mbrëmjen e të enjtes në burgun e Nigritas në Greqi. Më 25 mars Ilia Kareli shqiptari i burgosur vrau me thikë gardianin grek me pretendimin se i ishte mohuar leja për të takuar nënën e semurë.

 

Reagon Ministria e Jashtme: Dënojmë çdo akt dhune ndaj shtetasve shqiptarë

Ministria e Punëve të Jashtme shprehu ngushëllimet për humbjen tragjike të jetëve të gardianit të burgut të Malandrinos në Greqi, Jorgos Cironis, dhe të shtetasit shqiptar Ilia Kareli, që vuante dënimin në këtë burg. MPJ, dënon sulmet ndaj autoriteteve të zbatimit të ligjit, sikundër çdo akt dhune ndaj shtetasve shqiptarë, që kryejnë dënimin në burgjet e Greqisë. Ajo inkurajon dhe kërkon nga autoritet greke zbardhjen e plote të ngjarjes, çka do të mundësonte venien përpara drejtësisë të përgjegjësve. Ndërsa pritet zbardhja e raportit mjeko-ligjor, kërkohet përmes Ambasadës tonë në Athinë dhe Konsullatës në Selanik që të ndiqet nga afër dhe në rrugë institucionale situata. 

/agjencia e lajmeve “Dyrrah”/

/portali DurresLajm/

Na bëni like në facebook!: 

Lajme nga e njëjta kategori

   Oliver Ivanov, politikani serb që u vra sot, ka vizituar Durrësin në vitin 2016.

   Reforma për thjeshtimin e burokracive në administratë është duke vazhduar.

   Neglizhuan sëmundjen e vajzës së vogël, pasi kishin një fatkeqësi familjare, 7­-vjeçarja ndërron jetë në spitalin e Durrësit, pesë orë

Stacioni i trenit për qytetarët Tiranës do të rikthehet në Bulevardin e Ri, aty ky ka qenë stacioni historik.

Ish-nëndrejtor i Përgjithshëm i Burgjeve, Iliaz Labi ndodhet nën arrest shtepiak për llogari të një procesi për çështje korrupsioni.

Nisi sot rimbursimi i fishave të diabetit për fëmijët diabetikë, pas vendimit të Qeverisë për ofrimin falas të fishave për fëmijët 0-18 v

Një tjetër vetëvrasje është regjistruar në qytetin e Durrësit, ku ka varur veten një burrë i moshës 52 vjeç.

Gjykata Administrative ka rrëzuar kërkesë-padinë e prokurores Rovena Gashi të bërë javën e kaluar ndaj Prokurores së Përgjithshme të përk

36 gjyqtarë dhe prokurorë do t’i nënshtrohen ligjit të Vettingut.

Ministria e Shëndetësisë dhe Mbrojtjes Sociale ka shpallur afatet për aplikimet për vende te lira pune në pozicionin infermier, fiziotera