Gjykata jep vendimin për Mark Frrokun, ja sa vite do qëndrojë në burg

Postuar: 21/04/2017 - 13:05

Gjykata e Tiranës ka dënuar sot me 7 vite e 6 muaj burg, ish-deputetin dhe ish-kreun e PKD-së, Mark Frrokun për fshehje të pasurisë, pastrim parash dhe ndërtim të paligjshëm.

Ndërkaq Gjykata e ka shpallur Mark Frrokun të pafajshëm për akuzën e vrasjes së Aleksandër Kurtit në Belgjikë.

Pas seancës, avokati i tij mbrojtës deklaroi se ishte i pritshëm ky vendim i gjykatës pasi nuk kishte prova. “E kishim thënë nuk kishte prova për vrasjen”, deklaroi avokati mbrojtës.

"BalkanWeb" raportoi ditën e djeshme Frroku në një seancë gjyqësore maratonë u shpreh se nuk kishte fshehur asnjë qindarkë leku, ndërsa gjykata pohoi se ai kishte fshehur 1.2 milion dollarë.

Fill pas mbylljes së seancës gjyqësore, avokatët e Frrokut u shprehën se gjykata nuk ka vepruar drejt për kryerjen e aktit të ekspertimit.

“Ne i kemi paraqitur të gjitha provat në Shkallë të Parë dhe mendojmë se në Apel do ta zhbëjmë këtë pjesë të vendimit. Gjykata nuk ka vepruar drejtë për kryerjen e aktit të ekspertimit”, thanë Meçe dhe Prendi.

Teksa u pyetën në lidhje me faktin se a e cilësojnë ata fitore heqjen e akuzave që rëndonin ndaj Frrokut për vrasjen e në Belgjikë, avokatët u shprehën se gjithçka ishte ndërtuar mbi thashetheme.
“Padiskutim që po. Ishte ndërtuar akuzë mbi thashetheme”, theksuan ata.

Vendimi për pafajësinë e tij pason atë të pafajësisë së Kristian Marinajt i dyshuar si bashkëpunëtor i ish-deputetit Frroku.

“Unë e ndiej vetën të pafajshëm. Jam mbajtur padrejtësisht në burg për dy vjet. Dua vetëm të shkoj te familja ime. Kam besim te ju dhe drejtësia”. Këto ishin fjalët e fundit të ish-­deputetit Mark Frroku, thënë në Gjykatë dje para se trupi gjykues i gjykimit të tij të tërhiqej në dhomën e këshillimit për vendimin përfundimtar.

Përmes një materiali voluminoz, avokatët Vladimir Meçi dhe Tonin Prendi kërkuan pafajësinë e klientit të tyre, duke pretenduar se ai nuk ka konsumuar asnjë nga veprat penale për të cilat akuzohet. Në përfundim të avokatëve, ish-­deputeti përsëriti edhe një herë faktin se nuk ka kryer asnjë vepër penale.

/portali DurresLajm/

Na bëni like në facebook!: 

Lajme nga e njëjta kategori

Drejtori i Parandalimit dhe Pastrimit të Parave, Arlind Gjokutaj, e ka justifikuar tërheqjen e miliarda lekëve nga bankat gjatë fushatës

Ditët e fundit politika shqiptare është përfshirë nga një debat për rikthimin e vizave nga Hollanda, pas një artikulli të publikuar nga g

Një video e publikuar nga Policia e Shtetit tregon se në aeroportin e Rinasit kanë ardhur mijëra turistë dhe vizitorë nga vende të ndrysh

“Vihet re një neglizhencë në evidentimin, hetimin dhe goditjen e fenomenit të veprave penale që cenojnë regjimin juridik të tokës të

Me anë të një statusi në “Facebook”, gazetari Vincent Triest, bën të ditur se Parlamenti Holandez po ndërmerr hapa për pezullim

Një video e postuar në rrjetet sociale tregon se si një kamion i tonazhit të rëndë bën gara në autostradën Tiranë-Durrës me një

Inspektorati Kombёtar i Mbrojtjes sё Territorit ka ndërmarrë njё aksion në Gjirin e Lalzit për prishjen e objekteve tё ndërtuar

Poliklinika e specialiteteve të ndryshme në qytetin e Durrësit frekuentohet nga një numër i lartë qytetarësh të cilët kanë nevo

Gjatë 24 orëve të fundit në të gjithë vendin janë shënuar 5 vatra zjarri në disa qarqe të  vendit.

Raporti i plotë i organeve të sigurisë së Mbretërisë së Hollandës, është publikuar sot dhe në të përfshihen edhe një sërë shkaqesh të tje