Shoqata e Transportit Ndërqytetas kundërshtoi sot faktin e vënies në punë të terminalit të ri te mbikalimi i Manzës për të cilin ata kanë kërkuar plotësimin e disa kushteve.
Ata kanë bllokuar rrugën duke i kërkuar kryetarit të bashkisë Tiranë reflektim për të mos lejuar të ketë transport të paligjshëm e të paliçencuar.
“Transporti i paligjshëm vazhdon akoma në Tiranë. Ka arritur që deri këtu vjen e bërtet. Dhe nuk ndëshkohet. Kërkojmë nga ministria të shikojë rregullin dhe oraret e linjave. Duam të vendosë rregull bashkia”, thanë ata.
Përfaqësues të kësaj shoqate ankohen për dhe për linjat e autobusëve.
Nëse nuk merren masat për të plotësuar të drejtat e tyre brenda dy javëve ata paralajmërojnë bllokimin e punës në Terminalit të ri. /Ora News
