Hapet thirrja e tretë e programit IPARD II: Aplikimet për përfitim të granteve nisin nga 10 dhjetori

29/10/2020 - 07:28

Ministria e Bujqësisë ka vendosur rreth 2 muaj afat në dispozicion të fermerëve dhe agrobizneseve që kërkojnë të aplikojnë me hapjen e thirrjes të tretë të programit IPARD II.

Sipas urdhërit të ministrisë të botuar në Fletoren Zyrtare, afati për dorëzimin e aplikimeve për thirrjen e tretë të programit nis nga 10 dhjetor dhe përfundon më 25 janar 2021.

Urdhri përcakton se çdo aplikim i mbërritur në Agjencinë e Zhvillimit Bujqësor dhe Rural (AZHBR), pas datës 25 janar 2021, do të refuzohet.

Aplikimet duhet të dorëzohen vetëm në zyrat qendrore të AZHBR-së në zarfe të mbyllura, me titullin “Thirrje për dorëzimin e aplikimeve”, së bashku me titullin e masës, emrin e plotë dhe adresën e aplikantit dhe me shënimin “Të mos hapet përpara dorëzimit”.

Sipas urdhrit të Ministrisë të Bujqësisë, aplikimet duhet të dorëzohen nëpërmjet dërgesës postare rekomande apo dorazi (duke përfshirë shërbimet me korrier) direkt në autoritetin kontraktues në këmbim të një mandati dorëzimi me firmë dhe datë nga Agjencia. Aplikimet e dërguara nëpërmjet çdo mënyre tjetër , si: faks, e-mail apo nga adresa të tjera do të refuzohen.

Udhëzuesi për aplikantët, lidhur me llojet e investimeve të pranueshme, kriteret e përzgjedhjes dhe rregullat e dorëzimit të aplikimeve, mund të kërkohet falas si në zyrat e Ministrisë së Bujqësisë dhe Agjencinë e Zhvillimit Bujqësor dhe Rural (AZHBR) nga e hëna në të premte gjatë orëve të punës 08:00–16:30.

Programi IPARD është mbështetje financiare për bujqësinë dhe zhvillimin rural nga fondet e BE-së (75%) dhe qeverisë shqiptare (25%) dhe synon përmirësimin e standardeve të biznesit në bujqësi dhe agro-përpunim, si dhe rritjen e konkurrencës, nëpërmjet modernizimit.

Skema e aplikimit për të fituar nga këto grante është vënë në zbatim me masa më të shtrënguara, sesa skema e mbështetjes kombëtare të financimit, gjë që kërkon informacione të plota dhe gjithëpërfshirëse nga fermeri shqiptar. Kriteret e aplikimit synojnë rritjen e ndërgjegjësimit të fermerit për plotësimin e standardeve ligjore në përthithjen e fondeve./Monitor

/portali DurresLajm/

Na bëni like në facebook!: 

Lajme nga e njëjta kategori

Pasditen e 3 tetorit, forcat e ushtrisë së repartit të xhenios përdorën 130 kilogramë eksploziv për shembjen e një pallati përbri drejtor

Grupimi "Bicycle Durrës" ka zhvilluar paraditen e sotme një pedalim në kuadër të 28 Nëntorit, ditës së shpalljes së pavarësisë.

Një tjetër mjek e ka humbur betejën me koronavirusin. Ditën e sotme ka ndërruar jetë mjeku okulist, Ferdinand Shkrepa.

Lirohet Admir Çerpja, një prej bashkëpunëtorëve të drejtësisë që u vu në pranga për grabitjen e 4.6 milionë eurove në Rinas.

Sekretari i Shtetit në SHBA, Mike Pompeo ka uruar 108-vjetorin e pavarësisë së Shqipërisë.

28 nëntori i 2020 shënon 108-vjetorin e Pavarësisë së vendit.

Mëngjesi i kësaj të shtune do të nisë me kthjellime dhe vranësira të pakta.

Ministri i Turizmit dhe Mjedisit, Blendi Klosi, i qëndron mendimit se muzika e lartë ka ndikim në përhapjen më të shpejtë të koronavirusi

Në Shqipëri, një raport paraprak i Kontrollit të Lartë të Shtetit i konsideron të pabaza akt-ekspertizat që sugjerojnë prishjen e 7 shkol

Kjo fundjavë përkon me festat e 28-29 nëntorit, që na gjejnë në një situatë të pazakontë për shkak të situatës me pandeminë e Covid 19.