Hetim dosjeve për Gjirin e Lalëzit, Redjan Rraja tregon pse ishte në Durrës ditën kur u sulmua Ndoja

08/11/2019 - 16:27

Para atentatit, në Gjykatën e Apelit Durrës, është zhvilluar një proces që lidhet me tokat në Gjirin e Lalëzit, ku njëri nga palët është lidhje e gjyqtarit të vrarë Skerdilajd Konomi. Seanca është mbajtur në datën 29 tetor dhe palë është prokuroria që ka apeluar vendimin ndaj Daniel Shandros, i shpallur i pafajshëm, dhe avokatit Arian Myderrizit, i dënuar me një vit e gjashtë muaj burgim.

Procesi në datën 29 është shtyrë thonë burime të sigurta të Top Channel, pasi nuk ishte formuar trupa gjyqësore, ndërkohë që nga veprimet e grupit te hetimit edhe i njëjti proces ka dështuar sërisht edhe këtë të enjte pasi mungonin palët.

Por ky gjyq që po zvarritet prej një viti, ka në thelb çështjen për të cilën u përpoq edhe gjyqtari i vrarë Skerdilajd Konomi, madje në vendim përmendet edhe emri i të ndjerit, përmes dëshmisë së dëshmitares Flutura Kona, që kujton se Skerdilajdi ishte i interesuar për dokumentat pasi i shërbenin për gjykimin e themelit. Por prokurorët nuk japin detaje mbi këto indicie dhe dyshimet e tyre edhe për një proces tjetër civil në gjykatën e Durrësit dhe kush gjendej pas tyre, pasi ende janë duke mbledhur prova.

Ndërkohë i vetmi i arrestuar vazhdon te jetë Redjan Rraja, për te cilin avokati i tij do t’i drejtohet Apelit dhe do kërkojë lirimin e tij, me argumentin e mungesës së provave.

Redjan Rraja kundërshton pretendimet e prokurorisë dhe mohon të ketë lidhje me atentatin. I vetmi pohim i tij është se Rraja ka pranuar që atë ditë kishte qenë në Durrës, pasi sipas tij gjendej për të kolauduar makinën dhe se madje kishte pirë edhe kafe. Nga ana e tyre prokurorët e lidhin Rrajën me atentatin duke ju referuar gjurmëve papilare në automjet si edhe qelizave telefonike.

Nga ana tjetër prokurorët nuk e kanë pyetur ende të plagosurin tjetër Aleksandër Laho, por vazhdojnë të besojnë se në qendër të atentatit ishin edhe prokurori edhe Rrumi, ndërkohë që hetimet janë të fokusuara tek vepra e vrasjes për shkak të cilësive, e mbetur në tentativë ndaj këtyre të dyve, por që pasi shoferi ndërroi jetë do ndryshohet “duke shkaktuar vdekjen e Andi Malokut”. / TCH

/portali DurresLajm/

Na bëni like në facebook!: 

Lajme nga e njëjta kategori

Emisioni “Uniko” nga Spartak Koka në Klan Plus sjell ekskluzivisht rrëfimin e vajzës së Enkeleda Çapokut, 39-vjeçares që u vra nga kunati

Dy ditë pas vizitës së kryeministrit Edi Rama në Romë, televizioni shtetëror italian, Rai3, ka bërë një kronikë të frikshme për kanabisin

Pas një peripecie jo të pakët, Mjekësia Ligjore ka bërë publike autopsinë për vdekjen e 19 vjeçares, Rezarta Hajdari, e cila humbi jetën

Ambasada shqiptare në Kinë përmes një njoftimi lajmëron të gjithë qytetarët shqiptarë që jetojnë në shtetin kinez që të njoftojnë aktivit

Një ditë pas ngjarjes tragjike të vdekjes së papritur të dy foshnjave 5-muajshe, ngjarje kjo që tronditi qytetin e Beratit, prindërit rrë

Pavarësisht se në vendin tonë nuk ka asnjë rast të dyshuar si i prekur nga koronavirusi dhe institucionet përgjegjëse kanë siguruar se ke

Prokuroria e Tiranës ka apeluar vendimin e Gjykatës së Tiranës për të pushuar çështjen e ‘lobimit rus’ ndaj kryetarit të Partisë Demokrat

Ky është kompleksi super luksoz në pronësi të vëllezërve Hajri, në Shijak të dyshuarit kryesorë për rrëmbimin e Jan Prengës në Kamzë 10 d

Një grup banorësh të lagjes nr.13 në plazh të Durrësit kanë dalë në protestë ditën e sotme.

KLP ka miratuar sot projektaktet për delegimin e 5 prokurorëve si drejtues të Prokurorive në rrethe.