Historiku i vendimeve skandaloze të gjyqtares që liroi Endrit Doklen

14/01/2020 - 18:38

Vendimi për të liruar ish-kapon e njërës nga bandave famëkeqe të Durrësit, Endrit Dokle, ka firmën e gjyqtares Enkelejda Hoxha. Duke u kthyer pas në kohë shohim se ky nuk është vendimi i parë që ajo ka marrë në favor të personave me precedentë penalë dhe që konsiderohen të rrezikshëm.

Enkelejda Hoxha ka liruar nga burgu Ilir Pajën një vit para se atij t’i përfundonte dënimi. Ai ka qenë i njohur për arratisjet spektakolare nga burgjet italiane dhe gjermane dhe për këtë njihet me nofkën “UFO”. Në vitin 2008, Paja tentoi të ekzekutonte efektivin e policisë që shkoi ta arrestonte pranë farmacisë 10 në Tiranë.

KLD kërkoi verifikim për lirimin e tij. Ministri i Drejtësisë në atë kohë, Nasip Naço kërkoi shkarkimin e saj por në një mbledhje me dyer të mbyllura kërkesa u ndryshua dhe ndaj saj u mor thjesht një masë paralajmëruese.

Një tjetër vrasës i liruar nga gjyqtarja Hoxha është dhe Genc Tafili. Ky i fundit vrau në vitin 2000 kreun e policisë së Shkodrës, Arben Zylyftari. Për këtë ai u dënua me 25 vite burg por u lirua vetëm pas 17 vitesh. Lirimi i tij u konsiderua i paligjshëm pasi ligji e parashikon që nga lirimi me kusht nuk mund të përfitojnë personat e dënuar për veprën penale “vrasje në rrethana të tjera cilësuese”, vepër për të cilën ishte dënuar dhe Tafili.

Sërish për gjyqtaren u kërkua verifikimi dhe shkarkimi. Presidenti Ilir Meta urdhëroi Inspektoriatin e Këshillit të Lartë të Drejtësisë të verifikonte rastin ndërsa Ministrja Etilda Gjonaj kërkoi shkarkimin e gjyqtares. Megjithatë ajo shpëtoi sërish me një masë disiplinore.

Një rast i njohur ku është përfshirë gjyqtarja Enkelejda Hoxha është dhe ai i Rexhep Rrajës. Ajo fillimisht firmosi arrestimin e tij. Më vonë Rraja u lirua.

Por ai që mund të konsiderohet vendimi më skandaloz i kësaj gjyqtareje është ai i 3 nëntorit të 2017. Kësaj here gjyqtarja e rrethit gjyqësor të Krujës nëpërmjet një vendimi, vendosi njohjen e vjetërsisë në punë të Marjana Prenucas, një qytetareje, duke i njohur vitet e punës që në moshën 5-vjeçare. 

/portali DurresLajm/

Na bëni like në facebook!: 

Lajme nga e njëjta kategori

Një shqiptar i Kosovës, i quajtur Ahmet Sulaj prej të paktën dy ditëve është parë të endet në qytetin e Durrësit duke thënë se nuk gjen d

Ka përfunduar hetimi paraprak për 237 italianë e shqiptarë të cilët akuzohen si të përfshirë në trafikimin e tonelatave droge të fortë në

Pas një pune voluminoze për hartimin dhe miratimin e akteve nënligjore përkatëse, Këshilli hapi procedurat për ngritjen në detyrë në Gjyk

Moti i paqëndrueshëm që ka përfshirë vendin tonë gjatë orëve të fundit, ka ndikuar në veprimtarinë e Portit të Durrësit.

Tirana është përfshirë gjatë orëve të natës nga reshje të dendura të shiut dhe një stuhi e fortë ere, e cila ka shkaktuar jo pak dëme duk

Një rast i rëndë u raportua sot në Durrës, ku një 39-vjeçar akuzohet se ka kryer marrëdhënie me një vajzë të mitur 14-vjeçare.

Sipas MeteoAlb, vranësirat e dendura do të sjellin reshje shiu në vendin tonë që në orët para të ditës në zonat veriperëndimore si fillim

Nisur nga përkeqësimi i kushteve atmosferike mbi vendin tonë, Drejtoria e Përgjithshme Detare apelon mbrëmjen e sotme për Kujdes

Dy tragetet e parashikuara të udhëtonin drejt portit të Barit mbrëmjen e sotme e kanë shtyrë nisjen për mëngjesin e së shtunës.

Kompania ‘Durrës Container Terminal’ Sha dhe investitorë të tjerë në koncesionin e përpunimit të kontejnerëve në portin e Durrësit, kanë