“Ishte një djalë i qeshur, çun flori!” Pinjolli i familjes së njohur nga Durrësi humb jetën tragjikisht në Itali (FOTO)

27/05/2020 - 19:00

“Ishte një djalë i qeshur, çun flori!”

Kështu e kujtojnë shokët e gjimnazit, Sokol Keçin, 46-vjeçarin nga Durrësi që humbi jetën paraditen e sotme, në një aksident tragjik në Itali.

Shoqet dhe shokët e klasës së maturës C, të vitit 1992, në shkollën “Naim Frasheri” janë tronditur nga vdekja tragjike e Kolit, siç e thërrisnin të gjithë ata.

“Nuk mund ta besojmë që iku në moshë kaq të re. Për ne ishte shumë e papritur dhe shokuese, kur morëm vesh lajmin e rëndë".

"Koli nuk e meritonte të ikte në këtë mënyrë. E kishim uruar për ditëlindjen, por më vonë mësuam që ishte ndarë nga jeta. Jemi të mpirë nga kjo që ndodhi.”,- thanë disa prej shokëve dhe shoqeve të maturës të kontaktuar nga DurrësLajm.

46-vjeçari humbi jetën ditën e sotme, ditë e cila duhet të ishte e gëzuar për të, pasi festonte ditëlindjen.

Paraditen e sotme, ai u përplas me furgonin e tij me një tjetër automjet dhe gjeti vdekjen. Sokol Keçi ishte nisur drejt qytetit të Bolonjës, por nuk mundi të arrinte i gjallë në destinacion.

Sokol Keçi, pinjoll i një familje të njohur në Durrës, djali i Nazmi Keçit dhe nipi i Rexhep, Sherif dhe Naim Keçit jetonte prej shumë vitesh në Rosalina, në Itali. Ai kishte marrë nënshtetësinë italiane dhe ishte i martuar me një shtetase nga vendi fqinjë. Drejtonte prej vitesh një sipërmarrje impiantesh elektrike.

Sokol Keçi la pas bashkëshorten dhe dy djem. Dhimbja bëhet më e rëndë për familjarët e tij në Shqipëri, pasi për shkak të masave shtrënguese të marra prej pandemisë Covid-19, e kanë të pamundur të udhëtojnë drejt vendit fqinjë.

M.B.

/portali DurresLajm/

Na bëni like në facebook!: 

Lajme nga e njëjta kategori

Sipas MeteoAlb, Ultësira Perëndimore do të jetë në kushte të qëndrueshme atmosferike këtë të diel.

Beton, mungesë gjelbërimi, derdhje e ujërave të zeza në det dhe papastërti përgjatë bregut të detit.

Është rihapur procesi i aplikimit për qytetarët e Durrësit, banesat e të cilëve janë të dëmtuar nga tërmeti, por që në muajin shkurt e pa

Gazetari i njohur sportiv Bujar Qesja ka shkruar një status prekës për ndarjen nga jeta të inxhinierit durrsak Ilir Hoxha, i cili humbi b

Të mërkurën, qeveria shqiptare miratoi shumën prej rreth 2.1 miliardë lekë që do të shkojë për grantet e rikonstruksionit të banesave me

Ka nisur dhënia e granteve për rikonstruksionin dhe riparimin e banesave individuale në Bashkinë Durrës, të dëmtuara nga tërmeti i 26 nën

Mungesa e ndriçimit publik në rrugët e qytetit të Durrësit është kthyer në nxitës të ngacmimeve seksuale dhe grabitjeve.

4 viktima dhe 93 raste të reja. Ky është bilanci i 24 orëve të fundit nga COVID-19 në Shqipëri.

  • Interpol Tirana, Interpol Roma dhe Interpol Parisi finalizuan dy operacione ekstradimi. Ekstradohet nga Italia një 39-vjeçar