"A jemi më mirë se vjet, fatkeqësisht jo!" Ministri Klosi pranon problematikat me turizmin (VIDEO)

20/02/2020 - 20:11

Në një takim me operatorët turistikë që operojnë përgjatë vijës bregdetare të Kavajës dhe Rrogozhinës, ku të pranishëm ishin edhe drejtuesit e pushtetit vendor dhe prefektja e Tiranës, Suzana Jahollari, ministri i Turizmit, Blendi Klosi, pranoi se puna e bërë deri më tani nuk është në nivelin e duhur.

“A jemi këtë vit më mirë se vjet? Fatkeqësisht nuk jemi më mirë sesa vjet. Nuk jemi fare më mirë sesa vjet. VKM-ja kërkonte që deri me datë 31 janar të përmbushnim detyrimin për të përcaktuar hartat e zonave ku do të bëhej plazh në kuadër të menaxhimit të plazheve publike dhe plazheve private”, tha ministri Klosi gjatë fjalës së tij.

Ministri kërkoi që brenda datës 31 mars të lidhen kontratat me privatët, për të parandaluar përsëritjen e situatave të një viti më parë, kur kontratat vazhdonin të lidheshin në muajin korrik.

“Sipas VKM, bashkitë, deri në fund të muajit mars, duhet të lidhin kontratat me subjektet private. Që të mos na ndodhi si vitin e kaluar që kontratat vazhdonin të lidheshin deri në korrik, kur plazhet ishin mbipopulluar. Sezoni do të trajtohet i plotë nga muaji maj në shtator, ju hoteliereve ju del si detyrë të mirëmbani plazhet dhe të siguroni higjenën, pasi kështu do të siguroni raporte kontraktuale të mira me bashkitë”,- tha ministri Klosi

Më tej, ministri deklaroi se do të krijohen lehtësi për bizneset që operojnë me mjetet motorike në det.

“Data 31 mars është dita e fundit e lidhjes së kontratave dhe më pas do të çojmë ligjin e aktiviteteve e të bregdetit në parlament. Do krijojmë gjithë lehtësirat e mundshme që të krijohen bizneset e mjeteve lundruese jahteve, marinave, lojërave të detit dhe kjo është një perspektivë e re. Na duhet të trajtojmë mbetjet urbane”,- shtoi Klosi.

Ministri i Turizmit nënvizoi se nga viti i ardhshëm sezoni turistik do të jetë 12 mujor, ndërsa gjatë vitit 2020 pritet të shfrytëzohet hapësira mes muajit maj-shtator.  

/portali DurresLajm/

Video: 
Na bëni like në facebook!: 

Lajme nga e njëjta kategori

Territori shqiptar do të jetë me kthjellime dhe vranësira kalimtare gjatë orëve të para të ditës.

Ditën e sotme (6 korrik) rikthehet shërbimi i transportit qytetës në Tiranë në kushte të reja në përputhje me situatën epidemike.

Ministrja e Shëndetësisë, Ogerta Manastirliu i ka bërë thirrje qytetarëve që të përdorin maskat në çdo ambient të mbyllur dhe kudo ku nuk

Një punonjës i Urdhrit të Farmacistëve të Shqipërisë ka rezultuar pozitiv me Covid-19.

Një grupim i quajtur “Guard Tower” apo “Kulla e rojes”, dyshohet se ka rekrutuar familjen Josifi nga Përmeti që çoi në vetëflijimin e Zha

Ministrja e Shëndetësisë dhe Mbrojtjes Sociale, Ogerta Manastirliu, ka inspektuar ambulancën e fshatit Zogaj në Shkodër, e cila është reh

OSHEE njofton se në disa zona të Durrësit do të ketë shkëputje të energjisë elektrike më 7 korrik në intervalin kohor 06:00-14:00, si pas

  • Kontrolle të shtuara nga shërbimet e Komisariatit të Policisë Durrës ndaj subjekteve që ushtrojnë aktivitetin në kundërshtim

Ministria e Shëndetësisë ka bërë me dije se 74 persona kanë rezultuar pozitivë me koronavirus në vendin tonë në 24 orët e fundit.