Jep dorëheqjen drejtoresha e ARRSH, Sonila Qato

19/09/2019 - 15:15

Drejtoresha e Autoriteti Rrugor Shqiptar, Sonila Qato ka dhënë dorëheqjen nga detyra që mbante prej janarit të këtij viti.

Lajmin e ka dhënë vetë Qato përmes një postimi në Facebook, ndërsa shkruan se është akuzuar nga një kompani lidhur me një procedurë, të cilën ajo e gjykon të drejtë.

Kjo akuzë, shkruan ndër të tjera ajo, e ka vendosur në një pozitë të vështirë në raport me detyrën.

POSTIMI I PLOTË

Pas një periudhe të shkurtër pune, por shumë intensive, për të reformuar Autoritetin Rrugor Shqiptar dhe për të krijuar një model transparence dhe profesionalizmi në këtë institucion, vetëm pak ditë më parë jam akuzuar nga një kompani lidhur me një procedurë, të cilën unë e gjykoj plotësisht të drejtë dhe ligjore.

Kjo situatë më ka vendosur në një pozitë të vështirë në raport me detyrën. Nga njëra anë më duhet të përballem me akuzat dhe procesin ligjor që shfaqen në vorbullën e pafundme të çudirave mediatike dhe nga ana tjetër duhet të administroj punën e përditshme dhe projektet infrastrukturore (pjesë e kësaj pune është edhe kompania që akuzon).

Jam e keqardhur për gjithë këtë zhurmë dhe e lënduar nga spekulimet jashtëzakonisht të mëdha në media mbi procedurat e ndjekura në respektim të ligjit dhe dokumentacionin zyrtar që ka të bëjë me rastin në fjalë. Por jam edhe në pamundësi normaliteti në një punë që s’ka as orar dhe as ditë pushimi, sepse kërkon angazhim ekstrem mendërisht e fizikisht.

Prandaj me mirënjohjen e sinqertë për Kryeministrin e vendit, i cili jo vetëm më besoi këtë detyrë të rëndësishme, por edhe më krijoi kushte të pavarësisë së plotë në drejtimin e institucionit, ndjeva sot detyrimin moral t’u bëj me dije dorëheqjen nga detyra që më është ngarkuar.

Jam e gatshme që të gjithë eksperiencën, dijen dhe integritetin tim ta vë në dispozicion të çdo detyre tjetër që mund të më kërkohet, por siç u mundova ta shpjegoj, e kam të pamundur të vazhdoj detyrën aktuale.

Faleminderit të gjithë bashkëpunëtorëve të mi dhe vazhdim të mbarë të një pune që kemi nisur mirë së bashku!

/portali DurresLajm/

Na bëni like në facebook!: 

Lajme nga e njëjta kategori

Kanë dalë rezultatet e testeve të Covid-19 për pjesën e mbetur të personelit të Kadastrës në Durrës.

Pas ndërprerjes për shkak të pandemisë ka rinisur procesi i rivlerësimit të gjyqtarëve e prokurorëve në Komisionin e Pavarur të Kualifiki

Inspektorati Kombëtar i Mbrojtjes së Territorit do të shembë sot me shpërthim të kontrolluar pallatin e VIP-ave në lagjen 11, bulevardi “

Në vendin tonë moti sot do të jetë i alternuar nga kthjellime dhe vranësira të cilat do sjellin mot të kthjellët pa rrezikuar reshje.

“Dënim alternativ” është masa e marrë nga Gjykata e Apelit të Durrësit për 7 të miturit, të cilët përdhunuan 13-vjeçaren në Kavajë rreth

Në kohën kur në vend po flitet për shtim të kultivimit të kanabisit dhe prokurori i përgjithshëm Olsian Çela u shpreh se ky fenomen njohu

Aleanca për Mbrojtjen e Teatrit ka zhvilluar një takim me qytetarë në Vlorë në kuadër të mbledhjes së firmave për rindërtimin e godinës s

Qeveria Rama ka miratuar sot një vendim për zonën për zhvillim në bashkinë Durrës, për atë që këshilli i ministrave e ka cilësuar Parku A

Prej më shumë se 24 orësh SHBA, BE, OSBE dhe Britani e Madhe kanë vendosur të ulen në të njëjtën tryezë me Këshillin Politik dhe t’i bind

Drejtoresha e Drejtorisë Rajonale të Kufirit e Migracionit në Tiranë, Enkelejda Toska ka përfunduar në prangat e policisë, bashkë me shef