Kandidimi i të inkriminuarve nga PS, Çipa: Edhe shteti monist kishte filtra më serioz dhe rigoroz

17/08/2019 - 22:20

Kandidimi i Valdrin Pjetrit për kryetar të bashkisë së Shkodrës e vuri edhe njëherë Kryeministrin dhe Partinë Socialiste në shënjestër të opozitës për lidhje me persona me të shkuar kriminale.

Analisti, Aleksandër Çipa në studion e RTV Ora vlerëson se PS ka injoruar në vijimësi shumë prej filtrave institucionalë që edhe shteti monist dikur i kishte shumë më serioze dhe rigoroze.

"Për më shumë se 3 vjet opozita politike dhe pse ndodhet në një pozitë shumë të rëndë të vetëvetes po godet kundërshtarin politik, kryeministrin dhe PS, në një pikë nevralgjike, "thembrën e Akilit". Historia e inkriminimeve në politikat rekrutuese dhe politikat e përfaqësimeve të administratës, niveleve të larta të përfaqësimit institucional dhe shtetërore kanë qenë të tilla që kanë injoruar shumë prej filtrave institucionalë që edhe shteti monist dikur i kishte shumë më serioze dhe rigoroze sa i përket procedurave shqyrtuese, rishqyrtuese dhe verifikuese. Këto politika nga qeveria e kryeministrit Edi Rama duket se janë injoruar dhe shpërfillur. Kriteri politik dhe ai i mbështetjes si besnikëri politike dhe partiake ka qenë prevalues mbi kriterin profesional, aftësinë dhe zotësinë, kreditet publike që gëzon personi dhe mbi integritetin e besueshmërisë dhe investimit profesional. Këto të fundit kanë qenë jo vetëm të dyshuara, të kritikuara dhe injoruara."

Sa i takon situatës së krijuar me bashkinë e Shkodrës, Çipa nuk parasheh një krizë institucionale.

"Nuk mendoj. Gjithë kostumi politik dhe proceset politike që realizohen është i arnuar. Një kostum i arnuar në të gjitha pjesët. Shtimi i një ëndrrë të tillë si ajo që po ndodh në Shkodër nuk prish punë por degradon dhe më shumë vlerën e një procesi për ta pretenduar të pastër dhe shërbyes. Palët duhet të krijojnë një momentum të ri politik.Çdo marrëveshje që do të rikthente modelin e 2017 do ta zhbënte dhe dobësonte jo vetëm autoritetin e shtetit, por perspektivën institucionale dhe perspektivën e vendit për anëtarësimin në BE."

/portali DurresLajm/

Na bëni like në facebook!: 

Lajme nga e njëjta kategori

Maskat janë një nga produktet më të shitura që prej shfaqjes së pandemisë pasi konsiderohen një masë mbrojtëse efikase për parandalimin e

Edhe 5 pjesëtarë të personelit shëndetësor rezultojnë të shëruar pas testimit konfirmues të kryer në laboratorin e Institutit të Shëndeti

Kryegjyshata Botërore e Bektashinjve i dhuron Policisë së Tiranës maska dhe detergjentë dezinfektues.

Mëngjesi i sotëm është përfshirë nga temperatura të ulëta dhe reshje dëbore me intensitet të lartë në qytetin e Bulqizës.

Vijojnë kontrollet në të gjithë territorin, në zbatim të masave kufizuese të shpallura nga qeveria shqiptare, për vënien në kontroll të p

Ka shkuar në 259 numri i të prekurve me koronavirus në vendin tonë, me 16 raste të reja, të testuara në 24 orët e fundit.

Shefja e Epidemiologjisë dhe Kontrollit të Sëmundjeve Infektive në Institutin e Shëndetit Publik, Silva Bino i është përgjigjur kritikëve

Të martën, numri i të infektuarve me koronavirus në Durrës pësoi rritje të ndjeshme, ku u regjistruan 12 raste të reja në 24 orët e fundi

Ministri i caktuar për menaxhimin e situatës së shkaktuar nga koronavirusi, Arben Ahmetaj iu përgjigj nga emisioni "Opinion", disa pyetje

Ashtu siç u njoftua dy ditë më parë, sot është hapur tregu i fruta-perimeve në Durrës, por me rregulla të reja dhe me numër të reduktuar