Katër vende të BE mbështesin hapjen e negociatave me Shkupin dhe Tiranën

14/10/2019 - 19:22

Ministrat e Jashtëm të katër vendeve anëtare të BE-së, kanë bërë thirrje për hapjen e bisedimeve për anëtarësim me Maqedoninë e Veriut dhe Shqipërinë.

“Një vendim i Bashkimit Evropian për mundësinë e fillimit të negociatave me Maqedoninë e Veriut dhe Shqipërinë vjen në një kohë kur vendet anëtare po përballen me sfida të shumta”, thuhet në letrën e bashkë-nënshkruar nga Tomas Petriçek, ministri i Jashtëm çek, Peter Szijjarto, ministër i Jashtëm hungarez, Jacek Czaputowicz nga Polonia dhe Miroslav Lajçak, kryediplomat i Sllovakisë.

“Sidoqoftë, çështjet që ndodhën përpara (Brexit-i, migracioni, paqëndrueshmëria e vendeve fiqnje, dhe mandati i Komisionit të ri Evropian) nuk duhet të na shkëpusin nga ajo që mund të arrijmë, nëse i përmbahemi angazhimeve në rajon”, thuhet në letrën e tyre, të cilën e ka publikuar Politico.

Ministrat kujtojnë se perspektiva e anëtarësimit në BE u ishte premtuar të gjitha vendeve të Ballkanit Perëndimor në samitin e vitit 2003 në Selanik, vetëm disa muaj pasi negociatat e pranimit me dhjetë anëtarë të rinj të BE-së u nënshkruan në Athinë.

“Sot, 16 vjet pas Samitit të Selanikut, ne jemi të kënaqur të shohim se si zgjerimi i BE-së është dëshmuar të jetë një nga politikat më të suksesshme. Përparimi i bërë nga vendet e Ballkanit Perëndimor ka qenë mbresëlënës. Ata kanë transformuar ekonomitë e tyre, gjyqësorin, administratën publike dhe sigurinë”, theksojnë kryediplomatët e katër vendeve të BE-së.

Në një takim ministrorë që do të mbahet në Luksemburg më 15 tetor, ministrat e Jashtëm të vendeve anëtare të BE-së duhet të vendosin për hapjen ose jo të negociatave të pranimit për Maqedoninë e Veriut dhe Shqipërinë.

Ky vendim duhet të konfirmohet më pas në një samit, i cili do të zhvillohet në 17-18 tetor në Bruksel.

Në mbledhjen e tyre në qershor, ministrat miratuan konkluzionet për vendet e Ballkanit Perëndimor, duke premtuar se do të marrin një vendim “jo më vonë se tetori i vitit 2019”.

Franca dhe Hollanda janë ndër kundërshtarët kryesorë të hapjes së negociatave të pranimit./REL

/portali DurresLajm/

Na bëni like në facebook!: 

Lajme nga e njëjta kategori

Ministria e Shëndetësisë ka njoftuar se mbrëmjen e sotme ka ndërruar jetë në spitalin Infektiv një paciente 85-vjeçare nga Tirana, e konf

Komisioni i Venecias duket se i ka dhënë një “shuplakë” tjetër mazhorancës, pasi i dha të drejtë Metës për emërimet në KED.

Gjykata e Posaçme e Apelimit ka hequr masën e pezullimit për gjyqtarin e Kolegjit të Posaçëm të Apelimit, Luan Daci duke i dhënë të drejt

Një ditë pas shembjes së pallatit 6-katësh në lagjen nr.11, bulevardi "Dyrrah" tashmë është i lirë për qytetarët e Durrësit.

Pas 10 ditësh, banorët e kompleksit "Jedas" në Durrës janë rikthyer protestës para bashkisë së qytetit mëngjesin e sotëm.

Një granatë e paplasur është gjetur afër Drejtorisë së Policisë Tiranë teksa punonjësit e UKT po gërmonin për një kanal.

Paga e luftës ka mbledhur pranë drejtorisë së Tatim Taksave mesditën e sotme reth 100 punonjëse të fasonerisë "The Star" në Durrës.

Kolapsi mjedisor që ka përfshirë Durrësin në prag të sezonit turistik me çështjen e mbetjeve urbane, shqetëson jo pak banorët e këtij qyt

"Më shumë se 40 mijë receta me rimbursim kanë marrë falas pacientët kronikë në këto muaj të epidemisë së COVID19 në vendin tonë, krah

Pas punonjësve të policisë, në pension të parakohshëm do të dalin njerëzit e Shërbimit Informativ Shtetëror, institucioni kryesor i sekre