Ministrja e Arsimit, Besa Shahini përpara komisionit të Medias tha se është kundër propozimeve për ndryshimet ligjore të arsimit të lartë. Përpara deputetëve, ajo tha se të gjitha kërkesat e studentëve janë adresuar në Paktin për Universitetin dhe nuk ka nevojë për ndryshime në ligj.
Ndërsa deputetja demokrate Albana Vokshi, kryetare e këtij komisioni, tha se me këto deklarata, ministria pranoi se nuk ka plotësuar kërkesat e studentëve.
Besa Shahini: Duke marrë parasysh gjithë çfarë kemi parë nga shtetet e tjera ne nuk i shohim të domosdoshme që këto ndryshime të adresohen përmes ndryshimeve ligjore. Duke marrë parasysh që ne edhe me VKM në dhjetor dy nga çështjet kryesore të ngritur nga studentët për transparencë dhe llogaridhënie dhe për përfaqësime nëpër borde i kemi adresuar
Albana Vokshi: Atëhere qëndrimi i ministrisë ndaj propozimeve është kundër?!
Besa Shahini: Po
Albana Vokshi: Atëhere ju po prabnoni që pakti nuk i ka plotësuar kërkesat e3 studentëve. Atëhere pse po mashtroni që thoni që pakti i ka plotësuar kërkesat e studentëve. Pse i mashtroni studentët? Ju vetë po thoni që jeni kundër disa kërkesave të studentëve. Mua më vjen mirë që prenuat që nuk janë plotësuar. Në nderin tuaj është që të dilni dhe ti thoni studentëve dhe pedagogëve që nuk mundemi dhe nuk i kemi plotësuar disa prej kërkesave. Ju po pranoni që pakti është një mashtrim.
Besa Shahini: Pakti i ka adresuar këto kërkesat e studentëve dhe nuk kemi nevojë të bëjmë ndryshime ligjore.
