KiE i kërkon Shqipërisë mbylljen e spitaleve psikiatrike

13/09/2018 - 21:38

Komisionerja për të Drejtat e Njeriut në Këshillin e Europës, Dunja Mijatovic, i kërkon Shqipërisë që të mbyllë spitalet psikiatrike në vend.

Në raportin e saj publikuar këtë të enjte (13 shtator), Mijatovic kërkon nga autoritetet shqiptare që të hartojnë një plan gjithëpërfshirës për deinstitucionalizimin e personave me prapambetje intelektuale dhe psikosociale dhe të zëvendësojnë spitalet psikiatrike me shërbime komunitare, duke siguruar mbrojtjen dhe mbështetjen e nevojshme për individët dhe familjet e tyre pasi ata largohen nga institucionet dhe të ndalojnë përfundimisht institucionalizimin e personave me prapambetje mendore.

Ajo thekson se mbrojtja e fëmijëve dhe përfshirja e personave me aftësi të kufizuara është përmirësuar në Shqipëri, por autoritetet ende duhet të adresojnë mangësitë e mbetura.

Komisionerja mbetet e shqetësuar për shkallën e lartë të dhunës që raportohet ende.

Mijatovic thekson se është shqetësues fakti se rreth 700 fëmijë ende jetojnë në institucione të kujdesit, ndonjëherë për periudha shumë të gjata kohore pa ndonjë perspektivë të qartë për t'u larguar prej andej para se të rritet.

Ajo nënvizon se sipas standardeve të Këshillit të Evropës, strehimi i fëmijëve të braktisur nga prindërit në institucione përkujdesjeje është përjashtim nga rregulli, duke i kërkuar qeverisë shqiptare që të përshpejtojë procesin e deinstitucionalizimit, duke i dhënë më shumë mbështetje familjeve për të rritur fëmijët dhe duke krijuar një sistem të ngjashëm me familjen për strehimin e tyre.

Raporti i saj vjen pas vizitës së zhvilluar në Shqipëri më 21 deri më 25 maj 2018, ku u përqendrua tek të drejtat e fëmijëve, të drejtat e personave me aftësi të kufizuara dhe qasje në ndihmë juridike falas.

/portali DurresLajm/

Na bëni like në facebook!: 

Lajme nga e njëjta kategori

Dekani i Fakulteti Juridik, Artan Hoxha, gjatë një takimi me studentët, iu ka bërë thirrje që të ndërpresin protestën, pasi kanë marrë pe

Vijon bojkotimi i mësimit dhe ngujimi në kampusin universitar edhe gjatë ditës së sotme nga studentët e UAMD-së.

Shumë prej tyre studentëve protestues shprehen të vendosur për të vijuar kauzën duke theksuar se nuk do të tërhiqen deri në përmbushjen e

Autoriteti Rrugor Shqiptar jep një panoramë të situatës së akseve rrugore në vend për këtë të mërkurë.

Orët e para të ditës do të dominohen nga kthjellime dhe vranësira kalimtare në të gjithë vendin.

Baftjar Rusi, një nga avokatët e Klement Balilit i ftuar në emsionin “Dritare me Rudinën” në News24 ka komentuar nëse klienti i tij ka vi

Zbulohen pamjet që tregojnë momentin e dorëzimit të Klement Balilit te drejtori i Policisë së Shtetit Ardit Veliu.

Pyetjes nëse mund të kishte patur një shkëmbim me armë zjarri mes Balilit e policisë së shtetit i është përgjigjur këtë të martë nipi i t

Një nga avokatët e Klement Balilit, Baftjar Rusi megjithëse diskret ka dhënë disa detaje të reja nga dorëzimi i klientit të tij në polici

Zëri i Amerikës i është përgjigjur deklaratave të sotme të ministres së Drejtësisë, Etilda Gjonaj.