Kisha organizon kampe verore për fëmijët e Porto-Romanos (VIDEO)

11/07/2018 - 16:30

Atë që nuk e bën as qeverisja vendore e as qendrore, me shumë dashuri dhe përpjekje e bëjnë disa vullnetarë në një kishëz të vogël në zonën e Porto- Romanos.

Ata fëmijë që deri pak ditë më parë ishin duke nxjerrë kanaçe nga fusha e plehrave janë nxjerrë nga bataku dhe u janë rikthyer lodrave dhe argëtimit fëmijëror në kurse verore nga disa të rinj, vajza e djem që kanë mbërritur nga Malta si përfaqësues të kishës.  

Fëmijët e kësaj zone së bashku me prindërit e tyre kryenin atë punë që duhet ta bëjë një fabrikë riciklimi. Për të mbijetuar, ata diferenconin kanaçet e plastikës në fushën e grumbullimit të mbetjeve urbane të qytetit të Durrësit që gjendet në lagjen e tyre.

Fëmijët kanë lindur këtu, ndërsa prindërit e tyre vite më parë erdhën kryesisht nga zonat më të thella malore. Fëmijët nuk njihnin asgjë tjetër përveç ambientit ku lindën. Por jetesën e tyre ka nisur ta ndryshojë kisha Katolike Françeskane e cila ka hapur dyert për fëmijët e këtij komuniteti.  

Vansi është 10 vjeç. Ai dhe shkokët e tij të lagjes, nuk ishin lëkundur asnjëherë në lisharëse apo të loznin në një fushë futbolli pasi ata shkonin te fusha e mbetjeve dhe mblidhinin kanaçe. Me hapjen e kurseve verore nga vullnetarë të Kishës Katolike, 10-vjeçari dhe 60 fëmijë të tjerë kanë një mundësi ku mund të argëtohen.

Edhe 8-vjeçarja Gisela thotë se nuk ishte argëtuar asnjëherë më parë në një park me lodra. "Problemi i madh është se ne nuk i hapim dot dritaret. Tymi i djegies së plehrave mbyt gjithë lagjen", thonë vogëlushët .

At Bernard Caurana tha se Kisha Françeskane, ka hapur dyert për këtë komunitet që gjendet 200 metra larg prej fushës së plehrave duke ofruar kurse falas për 60 fëmijë çdo ditë. 

Kreu i Kishës i rikujtoi kryemistrit Edi Rama premtimin që dha para ca ditësh për komunitetin, që fushën e mbetjeve urbane të Durrësit ta kthejë në një park të gjelbëruar për zonën.

Një ditë në parë ishte Këshilli Bashkiak në Durrës që miratoi projektvendimin mbi shpalljen e emergjencës mjedisore në fushën e menaxhimit të integruar të mbetjeve urbane në territorin e Bashkisë Durrës.

Ndjekim reportazhin:

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Papa Francesku ka pritur sot në një audiencë private një delegacion të shtetit shqiptar të kryesuar nga kryetari i Kuvendit z.

Është shoqëruar me tensione dhe përplasje fizike me policinë protesta e banorëve të zonës së ‘Astirit’ në kryeqytet.

16 anije të mëdha turistike parashikohet të mbërrijnë në sezonet turistike 2019-2020 në portin e Durrësit.

Është shoqëruar me tensione dhe përplasje fizike me policinë protesta e banorëve të zonës së ‘Astirit’ në kryeqytet.

Inspektoriati i Mbrojtjes së Territorit Vendor në bashkinë Durrës, nën drejtimin e zotit Ardian Halili, i emëruar kohët e fundit në 

Komisioni Qendror i Zgjedhjeve ka nisur përgatitjen e zgjedhjeve vendore me dy anëtarë mangut.

Drejtori i Përgjithshëm i Hekurudhës Shqiptare, Ani Dyrmishi, ka reaguar sërish për pakon e dyshimtë, me lëndë artizanale që u gjet mëngj

Autoriteti Rrugor Shqiptar ka një thirrje për banorët e Astirit që preken nga ndërtimi i Unazës së Re.

Sipas parashikimit të Institutit të Gjeoshkencave, Energjisë, Ujit dhe Mjedisit.

Moti i keq që me reshje bore dhe erë të fortë kryesisht në zonat malore, ka shkaktuar defekte në rrjetin elektrik të shpërndarjes, duke l