KLP-ja rikthen sërish në Tiranë ish-kryeprokuroren Arta Marku (7 VENDIMET)

26/03/2020 - 17:58

Këshilli i Lartë i Prokurorisë ka marrë shtatë vendime të rëndësishme. Pesë prokurorë janë caktuar përkohësisht drejtues prokurorish, ndërsa ish-kryeprokurorja Arta Marku nga Apeli i Shkodrës është rikthyer sërish në Tiranë, këtë herë në Gjykatën e Apelit përkohësisht deri më 30 qershor të këtij viti.

Vendimi i shtatë lidhet me mbarimin e mandatit për anëtarin e KLP-së, Arben Dollapaj, që u shkarkua nga Kolegji i Posaçëm i Apelimit. Nisur nga udhëzimet e qeverisë shqiptare për zbatimin e masave për parandalimin e përhapjes së pandemisë të shkaktuar nga virusit Covid 19 në vendin tonë, Këshilli i Lartë i Prokurorisë thotë se vendimet i ka marrë në formë qarkulluese.



Vendimet e plota

Në kuadër të udhëzimeve të qeverisë shqiptare për zbatimin e masave për parandalimin e përhapjes së pandemisë të skaktuar nga virusit Covid 19 në vendin tonë, Këshilli i Lartë i Prokurorisë njofton se ka miratuar me anë të vendimeve qarkulluese shtatë projekt-akte, Përkatësisht, gjashtë caktime të përkohëshme dhe nje vendim për mbarimin e mandatit si anëtar i Këshillit të Lartë të Prokurorisë për z. Arben Dollapaj, për shkak të papajtueshmërisë në ushtrimin e detyrës.

Këshilli i Lartë i Prokurorisë, mbështetur nё nenin 149/a të Kushtetutës së Republikës së  Shqipërisë, në nenin 59 pika 1 dhe 4, të Ligjit nr. 96/2016 “Për statusin e gjyqtarëve dhe prokurorëve në Republikën e Shqipërisë”, i ndryshuar, në nenet 164/8, 166/2, 189/1/a të Ligjit nr.115/2016 “Për Organet e Qeverisjes së Sistemit të Drejtësisë”, i ndryshuar dhe në Rregulloren “Pёr caktimin e përkohshëm tё prokurorëve” miratuar me Vendimin nr. 64, datë 15.04.2019 të Këshillit të Lartë të Prokurorisë, e ndryshuar, me propozim të Komisionit për Zhvillimin e Karrierës, vendosi gjatë ditës së sotme miratimet e përkohshme si vijon;

z. Arben Dyla, prokuror në Prokurorinë pranë Gjykatës së Shkallës së Parë Lushnjë, të caktohet përkohësisht të ushtrojë funksionin e Drejtuesit të Prokurorisë pranë Gjykatës së Shkallës së Parë Lushnjë dhe tё ushtrojё funksionin e Drejtuesit të Prokurorisë pranë Gjykatës së Shkallës së Parë Lushnjë, përkohësisht  nga data 01.04.2020 – 30.06.2020.

Z. Kreshnik Ajazi, prokuror në Prokurorinë pranë Gjykatës së Shkallës së Parë Elbasan, të caktohet përkohësisht të ushtrojë funksionin e Drejtuesit të Prokurorisë pranë Gjykatës së Shkallës së Parë Elbasan.  Z. Ajazi do tё ushtrojё funksionin e Drejtuesit të Prokurorisë pranë Gjykatës së Shkallës së Parë Elbasan, përkohësisht  nga data 26.03.2020 – 25.06.2020.

Znj. Arta Marku, prokuror në Prokurorinë pranë Gjykatës së Shkallës së Parë Shkodër, të caktohet përkohësisht të ushtrojë funksionin e Prokurorit në Prokurorinë pranë Gjykatës së Apelit Tiranë, ku do tё ushtrojё funksionin e Prokurorit  për një periudhë kohore nga data 01.04.2020 – 30.06.2020.

Znj. Alma Bramo, prokuror në Prokurorinë pranë Gjykatës së Shkallës së Parë Mat, të caktohet përkohësisht të ushtrojë funksionin e prokurorit në Prokurorinë pranë Gjykatës së Shkallës së Parë Durrës, nga data 29.03.2020 – 28.06.2020

Znj. Rita Gjati, prokuror në Prokurorinë pranë Gjykatës së Shkallës së Parë Kukës, të caktohet përkohësisht të ushtrojë funksionin e Drejtuesit të Prokurorisë pranë Gjykatës së Shkallës së Parë Kukës, nga data 27.03.2020 – 26.06.2020.

Znj.Violeta Shkurta, prokuror në Prokurorinë pranë Gjykatës së Shkallës së Parë Fier, të caktohet përkohësisht të ushtrojë funksionin e Drejtuesit të Prokurorisë pranë Gjykatës së Shkallës së Parë Fier, nga data 01.04.2020 – 30.06.2020.

Gjithashtu, bazuar në nenin 149/b, pika 1, gërma d të Kushtetutës së Republikës së Shqipërisë, në  nenin 66/3 të ligjit nr. 84/2016 ”Për rivlerësimin kalimtar të gjyqtarëve dhe prokurorëve në Republikën e Shqipërisë”, si dhe në nenet 164/8, 166/2, 189/1/a të Ligjit nr. 115/2016 ”Për Organet e Qeverisjes së Sistemit të Drejtësisë”, i ndryshuar, pasi u njoh me vendimin nr.04 datë 12.03.2020 të Kolegjit të Posaçëm të Apelimit si dhe relacionin e përgatitur nga Komisioni i Disiplinës, Këshilli i Lartë i Prokurorisë, vendosi të deklarojë mbarimin e mandatit si anëtar i Këshillit të Lartë të Prokurorisë për z. Arben Dollapaj, për shkak të papajtueshmërisë në ushtrimin e detyrës.

Kujtojmë se të gjitha vendimet e marra i janë prezantuar paraprakisht të gjithë anëtarëve përmes rrugëve elektronike.

/portali DurresLajm/

Na bëni like në facebook!: 

Lajme nga e njëjta kategori

Ministrja e Shëndetësisë, Ogerta Manastirliu ka bërë me dije se një tjetër infermiere ka fituar betejën ndaj koronavirusit.

Një punonjës në Drejtorinë e Kufirit në Korçë është konfirmuar pozitiv me koronavirus duke shënuar 17 raste në këtë qytet.

Në vijim të komunikimit të përditshëm, Ministrai e Shëndetësisë bën me dije se vazhdon puna në terren për identifikimin e rasteve të reja

Me shtimin e rasteve të të infektuarve nga COVID-19 në vendin tonë, Policia e Shtetit ka shtuar masat në pika ku ende vijojnë të grumbull

Këshilli i Lartë Gjyqësor ka vendosur të vijojë pezullimin e veprimtarisë dhe shërbimeve gjyqësore në të gjitha gjykatat në Republikën e

Një banesë është përfshirë nga flakët në orët e para të mëngjesit dhe për pasojë janë lënduar katër anëtarët e familjes.

Përfitimet që merr nga zotërimi i një pasaporte EU ka shtyrë shumë shqiptarë që të aplikojnë për tu pajisur me një të tillë.

Mjeku infeksionist, Tritan Kalo u bën apel shqiptarëve të qëndrojnë në shtëpi e të rrisin ndërgjegjësimin për të përballuar me sukses kët

Këtë të martë, vendi ynë do të jetë në kushte të qëndrueshme atmosferike, ku kthjellimet do të jenë dominante në zonën perëndimore.

Ministrja e Shëndetësisë, Ogerta Manastirliu ka dhënë një lajm të mirë rreth mesnatës së kaluar, lidhur me të infektuarit me koronavirus.