Koncesioni i dytë i karburanteve. Zyrtarizohet tenderi për kontrollin e pompave

21/09/2018 - 18:00

   Qeveria ka zyrtarizuar tenderin për të dhënë me koncesion për 20 vjet kontrollin e pompave në stacionet e karburanteve.

Ky shërbim, i cili aktualisht kryhet nga shteti bëhet koncesioni i dytë në fushën e karburanteve, dhe për të gjithë periudhën 20 vjeçare pritet të gjenerojë të paktën 50 milionë euro të ardhura. Këto para do të paguhen nga qytetarët në çmimin e naftës dhe benzinës.

Qeveria ka hapur zyrtarisht tenderin për të dhënë me koncesion kolaudimin e pompave të karburantenteve. Sipas dokumentave zyrtarë të publikuar në agjencinë e prokurimeve, tenderi do të zhvillohet në 18 tetor dhe kompania që do të shpallet fituese do të marrë për 20 vjet monopolin e kontrollit për të gjitha pompat e karburanteve dhe të gazit.

Koncesioni për kontrollin e pompave të karburanteve ka lindur përmes një oferte e pakërkuar nga një kompani private e quajtur NOA Control. Propozimi u miratua nga qeveria, e cila paralelisht e shpërbleu kompaninë Noa control me një bonus sa 10 për qind e pikëve, çka e bën atë të avantazhuar në tenderin, që do të zhvillohet muajin e ardhshëm..

Kontrolli i pompave në stacionet e karburanteve është një shërbim, i cili aktualisht kryhet nga drejtoria e përgjithshme e  metrologjisë. Sipas ligjit shqiptar, çdo pompë furnizimi në pikat e karburanteve duhet të kolaudohet një herë në 6 muaj, për të verifikuar volumin dhe elementët e sigurisë  Për këtë shërbim pikat e karburanteve paguajnë 14 mijë lekë në vit për pompë, para të cilat shkojnë në buxhetin e shtetit.

Por me dhënien e këti shërbimi me koncesion, paratë do të përfundojnë në arkën e privatit. Burime nga Ministria e Financave i thanë Top Channel se, në total ky aktivitet gjeneron 2 deri në 3 milionë euro të ardhura në vit dhe për 20 vitet e koncesionit kompania private që do të shpallet fituese pritet të arkëtojë rreth 50 milionë euro Ky është koncesioni i dytë në fushën e karburanteve, pas atij të markimit, kostot e të cilëve paguhen nga qytetarët në çmimin fundor të naftës dhe shkojnë si fitime për kompanitë koncesionare./ Top Channel

/portali DurresLajm/

Na bëni like në facebook!: 

Lajme nga e njëjta kategori

Krimet e Rënda kanë marrë edhe 400 disqe me biseda të regjistruara ndaj personave që po hetohen në kuadër të dosjes 339.

Ministrja e Infrastrukturës, Belinda Balluku ka shpjeguar se pse ka vizituar pa njoftuar më parë Drejtorinë e Transportit Rrugor në Durrë

Ish-kryeministri Sali Berisha ka përshëndetur qytetarë shqiptarë në SHBA, të cilët janë ngritur në një protestë me moton “Rama ik”, në mb

Një kamion është përmbysur në afërsi të urës së Matit. Aksidenti ka ndodhur mëngjesin e së shtunës.

Ministrja e Shëndetësisë dhe Mbrojtjes Sociale, Ogerta Manastirliu, ka firmosur urdhrin për regjimin e disiplinës dhe rregullave për vizi

Gjatë natës ka pasur reshje dëbore në juglindje dhe në veri të vendit.

Gara për ajrin është ashpërsuar në vitin 2018. Italia vijon të dominojë më shumë se gjysmën e tregut.

Erërat e forta kanë dëmtuar rrjetin elektrik e për pasojë disa zona të Fushë-Krujës janë pa energji elektrike.

Situata politike, në të  cilën është futur vendi, duket se ka shqetësuar edhe Parlamentin Europian. Vendimi i opozitës për të  djegur man

Surprizat e motit kanë gëzuar durrsakët, që mëngjesin e sotëm janë zgjuar me reshje bore.