Koronavirusi/ Sipërmarrësi nga Durrësi shpërndan pica falas në SHBA

26/03/2020 - 00:17

Një sipërmarrës nga Durrësi, që prej 23 vitesh jeton në Shtetet e Bashkuara të Amerikës, ka ndërmarrë këto ditë një nismë që vlen për t’u përshëndetur.

Ndërsa qyteti i Nju Jorkut është një nga zona më e prekur nga koronavirusi në SHBA, Armand Hysa, i lindur në Maminas, shpërndan pica falas për njerëzit në nevojë, por edhe për stafin mjekësor dhe policët e Nju Xhersit, që janë në ballë të kësaj lufte.

Nismën e tij, Hysa e bëri publike gjatë një lidhje live në emisionin “Opinion”. I shoqëruar edhe nga gazetari Ani Elezi, Hysa tha se kjo nuk ishte hera e parë që ai ndërmerrte një iniciativë të tillë, pasi e kishte bërë edhe vite më parë, kur vendi u godit rëndë nga uraganët.

Sipas Hysës, kontributi i tij në këto ditë të vështira është një formë falenderimi për SHBA-në, vendin që i ka dhënë kaq shumë gjatë këtyre viteve dhe është kthyer në atdheun e tij të dytë.

Hysa tha se do ta vazhdonte iniciativën e tij deri në përfundim të situatës së vështirë të krijuar nga pandemia e koronavirusit. Hysa administron në Nju Xhersi picerinë Big Apple Pizza.

/portali DurresLajm/

Na bëni like në facebook!: 

Lajme nga e njëjta kategori

Ditën e sotme në Prishtinë, Ministrja e Arsimit, Sportit dhe Rinisë Besa Shahini ka zhvilluar një takim me homologun e saj, Ministrin e A

Prej disa ditësh, një numër i madh qytetarësh është grumbulluar në derën e Prefekturës në Durrës për të bërë aplikimin për grantin e rind

Shkon në 104 numri i personave që kanë humbur jetën nga Covid-19 në vendin tonë.

Ministria e Shëndetësisë ka përditësuar të dhënat e fundit lidhur me situatën e Covid-19 në vendin tonë.

Për të disatën herë Greqia shtyn afatin e mbylljes së kufijve me Shqipërinë.

Sipas MeteoAlb, orët e para të ditës këtë të enjte do të jenë me alternime kthjellimesh dhe vranësirash të lehta.

Shefja e Inspektoratit Shëndetësor Shtetëror, Vjollca Braho, është e prekur me COVID-19.

Organizata Freedom House me qendër në Uashington tha se demokracia në Shqipëri pësoi rënie gjatë vitit 2019, duke materializuar shqetësim

Këshilli Bashkiak i Durrësit ka zhvilluar sot një tjetër mbledhje të jashtëzakonshme me mjete të komunikimit elektronik ku ka miratuar kë

Teksa vendi ynë po përballet me shifra në rritje të rasteve me koronavirus, qeveria shqiptare vendosi sot përdorimin e maskës/barrierën m