KPK e konfirmoi në detyrë, Komisioneri Publik ankimon vendimin dhe kërkon shkarkimin e prokurores së Durrësit

30/10/2020 - 12:59

Komisioneri Publik kërkon shkarkimin nga detyra të prokurores së Durrësit, Enkeleda Osmani.

Osmani u konfirmua në detyrë më 20 korrik 2020 nga Komisioni i Pavarur i Kualifikimit, shkalla e parë e vettingut, nga trupa e drejtuar prej Roland Ilias, me relatore Brunilda Bekteshin dhe anëtare Suela Zhegun.

Pavarësisht problemeve me pasurinë, kryesisht me të ardhurat e bashkëshortit, Komisioni e konfimoi në detyrë prokuroren Enkeleda Osmani. 

Ndërkohë, sot Komisioneri Publik ka njoftuar se ka depozituar ankimim në Kolegjin e Posaçëm të Apelimit, për rihetim gjyqësor dhe shkarkim nga detyra të Enkeleda Osmanit, prokurore e Durrësit.

"Komisioneri Publik, brenda afatit ligjor, ushtroi ankim në Kolegjin e Posaçëm të Apelimit, pranë Gjykatës Kushtetuese, kundër vendimit nr. 275, datë 20.7.2020, të Komisionit të Pavarur të Kualifikimit, për subjektin e rivlerësimit znj. Enkeleda Osmani (Xhengo), me funksion prokurore në Prokurorinë pranë Gjykatës së Rrethit Gjyqësor, Durrës. Komisioneri Publik, pasi shqyrtoi vendimin nr. 275, datë 20.7.2020, të Komisionit të Pavarur të Kualifikimit, vlerëson se subjekti i rivlerësimit nuk arrin nivel të besueshëm për konfirmimin në detyrë, pasi, referuar gjendjes së fakteve dhe provave, vendimi është i cenueshëm në tërësinë e tij. Komisioneri Publik kërkon nga Kolegji i Posaçëm i Apelimit që të riçelë hetimin gjyqësor dhe, në përfundim të shqyrtimit të çështjes, në seancë publike, të vendosë ndryshimin e vendimit nr. 275, datë 20.7.2020, të Komisionit të Pavarur të Kualifikimit, dhe shkarkimin nga detyra të subjektit të rivlerësimit, znj. Enkeleda Osmani (Xhengo)", thuhet në njoftim.

/portali DurresLajm/

Na bëni like në facebook!: 

Lajme nga e njëjta kategori

Pasditen e sotme, në nderim të 51 viktimave që humbën jetën një vit më parë nga tërmeti me magnitudë 6.4 Rihter, u ndezën qirinj pranë pa

Mjeku Leonard Solis tha në emisionin “Opinion” se situata pandemike me klinikën aktuale që po paraqet, do të vazhdojë të paktën edhe për

Ministrja Ogerta Manastirliu në një lidhje në emisionin “Opinion” tha se qeveria shqiptare ka parapaguar përmes Covax vaksinë për 5750 mi

Këshilli i Emërimeve në Drejtësi ka përjashtuar nga gara për plotësimin e Gjykatës Kushtetuese 3 gjyqtarë.

Ministria e Shëndetësisë dhe Mbrojtjes Sociale ju bën apel të shmangni lëvizjet e panevojshme dhe të kufizohen kontaktet, për të parandal

Bashkia Durrës njofton se Inspektorati Kombëtar i Mbrojtjes së Territorit (IKMT) dhe forcat xheniere të ushtrisë Ministria e Mbrojtjes Ti

Ministrja e Arsimit, Evis Kushi ka lajmëruar se nga 1 dhjetori klasat e arsimit fillor dhe maturantët do të vijojnë mësimin në shkolla dh

Policia e Shtetit ka gjobitur 659 qytetarë për për mosvendosjen e maskave mbrojtëse anti-Covid, gjatë 24 orëve të fundit.

Të rinjtë e Forumit Rinor Eurosocialist Durrës kanë përkujtuar sot viktimat e tërmetit të 26 nëntorit të një viti më parë.

Këshilli Bashkiak Durrës do të zhvillojë një mbledhje jashtë radhe me mjete të komunikimit elektronik.