Kujdes ku parkoni makinën në Durrës! Policia Bashkiake: Evitoni gjobat dhe bllokimin e mjetit (FOTO)

19/08/2019 - 18:56

25 automjete të gjobitura ditët e fundit nga Policia Bashkiake e Durrësit për parkime të gabuara. Vetëm gjatë ditës së dielë janë vendosur 12 bllokues tek mjetet që parkojnë në hapësira të rezervuara për invalidët, në vendqëndrimet e autobuzëve apo taksive, apo mbi trotuar dhe tek vijat e bardha.

Policia Bashkiake bën të ditur për DurrësLajm se problematike në këtë periudhë janë automjetet e emigrantëve dhe ato me targa të huaja, të cilët nuk respektojnë tabelat dhe sinjalistikën, duke parkuar në kundërshtim me ligjin.

Masat e gjobës variojnë nga 3000-5000 lekë të reja dhe të gjitha automjetet e bllokuara e gjobitura janë me targa të huaja.

Policia Bashkiake e Durrësit ka një apel për të gjithë drejtuesit e mjeteve, sidomos për emigrantët që këto ditë vere pushojnë në atdhe:

“Respektoni sinjalistikë rrugore shmangni masën administrative. Emigrantët të cilët vijnë në atdheun e tyre per pushime, ju lutemi zbatoni rregullat si në shtetet nga vini”.

Aksionet e Policisë Bashkiake janë të përqendruara kryesisht në shëtitoren “Taulantia”, një nga zonat më të frekuentuara në këto ditë të nxehta vere.

Parkimi i automjetit është kthyer në një stres më vete për banorët e qytetit, pas reduktimit të ndjeshëm të hapësirave publike ku parkoheshin vitet e kaluara makinat.

Gjatë muajve korrik gusht, numri i automjeteve që qarkullojnë në Durrës rritet ndjeshëm, për shkak të numrit të lartë të emigrantëve që kthehen në atdhe dhe turistëve të huaj.

Një javë më parë, Policia Bashkiake e Durrësit ftoi qytetarët të denonconin në numrin +052 2322 50, të gjitha rastet kur automjetet zaptojnë hapësirat dhe vendparkimet publike duke vështirësuar lëvizjen e lirë të qytetarëve pranë Shëtitores "Taulantia".

M.B.

/portali DurresLajm/

Na bëni like në facebook!: 

Lajme nga e njëjta kategori

Për tre muaj me radhë, të rinj të talentuar patën një mundësi të shkëlqyer për të nisur karrierën e tyre profesionale, falë projektit të

Ashtu siç ishte paralajmëruar, ditën e sotme në sallën e mbledhjeve të Autoritetit Portual Durrës u zhvillua takimi i Shoqatës së Detarëv

Policia greke ka zbardhur aktivitetin e organizatës ndërkombëtare të trafikut të kokainës, anëtarët e së cilës u arrestuan mëngjesin e së

Ministrja e Drejtësisë Etilda Gjonaj thotë se ka pasur një indicie nga burgjet për lirimin e Endrit Dokles.

KLSH ka kallëzuar në Prokurori ish- drejtorin dhe dy ish- specialistë të ish- Drejtorisë së ALUIZNI-t Tirana Jug.

Vazhdon puna e Policisë Bashkiake së Durrësit në terren, për monitorimin e problemeve në shërbim të qytetarëve, për vendosjen e perimetri

Banorët e Shijakut, Katër Rrugëve dhe Xhafzotajt janë ngritur sot në protestë për infrastrukturën e rënduar të rrugës që lidh qytetin e D

Ambasada e Republikës së Shqipërisë ne Ankara bën me dije se deri tani nuk është identifikuar asnjë shtetas shqiptar i prekur nga tërmeti

Ditën mërkurë, më 29 janar 2020 pritet të mblidhet Këshilli Bashkiak Durrës.

Në mbledhjen e fundit të Shtabit të Emergjencave në Durrës është bërë një përmbledhje e situatës së deritanishme në terren përsa i përket