Kur do hapet drita jeshile për rikonstruksionin e autostradës Tiranë-Durrës? Ja si përgjigjet ARRSH-ja

21/02/2018 - 20:22

   Në dy ditët e fundit, pranë redaksisë së DurrësLajm kanë mbërritur video dhe foto të qytetarëve të përfshirë në aksidente rrugore për shkak të dëmtimeve të shumta dhe degradimit të autostradës Tiranë-Durrës.

Megjithëse drejtuesve të mjeteve u duhet të bëjnë devijime të shumta kur përshkojnë këtë segment rrugor për të evituar gropat e shumta të krijuara në asfalt, drita jeshile për rikonstruksionin e autostradës nuk do të ndizet të paktën edhe për disa muaj.

Degradimi i këtij aksi në të gjithë gjatësinë e tij pranohet edhe nga Autoriteti Rrugor Shqiptar, por ky institucion nuk ka asnjë datë se kur mund të nisë riparimi i rrugës.

Televizioni Klan raporton se sipas ARRSH-së, dëmtimi i autostradës ka ardhur si pasojë e fluksit të lartë të automjeteve dhe mungesës së ripastrimit të saj tërësor në vite.

Për t’i dhënë zgjidhje kësaj situate, ARRSH thotë se ka nisur bisedimet me Bankën Botërore, e cila do të japë financimin për të bërë riparimin e të gjithë aksit.

Teksa financimi pritet të jepet pas disa muajsh, drejtuesve të mjeteve që frekuentojnë nuk ju mbetet gjë tjetër veçse të jenë të kujdeshëm, pasi lëvizja në autostradë do të mbetet e rrezikshme edhe për disa kohë.

Megjithëse paguajnë një më një taksat për rrugët, shteti nuk u mundëson dot qytetarëve të tij një rrugë brenda standarteve, ku të mos rrezikojnë jetën në çdo gropë që u shfaqet gjatë udhëtimit të tyre në autostradën Tiranë-Durrës.

/portali DurresLajm/

Na bëni like në facebook!: 

Lajme nga e njëjta kategori

E diela me diell, ka bërë që qytetarë të shumtë t’i drejtohen zonës turistike të Durrësit, Currilave.

Presidenti i Republikës Ilir Meta ka publikuar sot dy foto nga zyra e Kongresmenit amerikan Eliot Engel duke e cilësuar si një kujtim të

Shkon në 40 numri i personave të shoqëruar për veprime të dhunshme gjatë protestës së të shtunës në Tiranë.

Kthjellime dhe vranësira të herë pas-hershme dominojnë të gjithë territorin gjatë orëve të para të ditës.

Tension dhe përplasje edhe në ambientet e drejtorisë së Policisë së Tiranës.

Protesta e sotme e organizuar nga opozita e bashkuar ka marrë vëmendjen e të gjithëve, e ndërsa disa nga fotot e shkrepura në atë 5 orësh

Protesta e sotme e opozitës së bashkuar solli 16 të lënduar, mes tyre protestues, efektivë të policisë por edhe gazetarë, e ndërsa po ash

Përshkallëzimi i situatës gjatë protestës së opozitës në Tiranë është pasqyruar menjëherë nga Associated Press që flet për një konfrontim

Gjatë protestës së opozitës, një numër i konsiderueshëm gazetarësh, protestuesish dhe punonjës të policisë mbetën të lënduar.

Drejtori i Përgjithshëm i Policisë së Shtetit, Ardi Veliu, ka përshëndetur efektivët e policisë që u angazhuan për mbarëvajtjen e protest