Kush do ta drejtojë Durrësin tani?

01/12/2019 - 10:48

Lajmi i dorëheqjes së tashmë ish-kryetares së bashkisë, Valbona Sako, e cila u tërhoq nga funksioni i saj pas dy deklaratave të fundit në media, ngre edhe dilemën se kush do ta drejtojë Durrësin deri në dekretimin nga presidenti të zgjedhjeve të parakohshme lokale.

Në bazë të legjislacionit në fuqi, kryetar në detyrë deri në zgjedhjet e reja duhet të caktohet një nga 4 nënkryetarët e bashkisë së Durrësit, Zhylien Varfaj, Florian Tahiri, Arbër Braho apo Etleva Kondi.

Nga të katër nënkryetarët, vetëm Etleva Kondi ëështë më e reja në detyrë, e emëruar vetëm 2 muaj më parë dhe për më tepër është nga Tirana.
3 nënkryetarët e tjerë qëndrojnë prej vitesh në detyrë, madje Zhulien Varfaj e mban këtë post që nga mandati i parë i Vangjush Dakos.

Arbër Braho është nënkryetari tjetër, që para zgjedhjeve të 30 qershorit, u vetpropozua si kandidat, në kohën kur po bëhej përzgjedhja finale e kandidaturave të PS-së për kreun e ri të bashkisë së Durrësit.

Florian Tahiri është nënkryetari tjetër, që pavarësisht se nuk vjen nga rradhët e PS-së, gëzon një opinion mjaft pozitiv në komunitetin durrsak. Me një eksperiencë të fituar gjatë menaxhimit të situatës kritike të krijuar pas 21 shtatorit dhe konstatimit dhe vlerësimit të dëmeve dhe ndjekjes së procesit në të gjitha hallkat, mund të jetë ndoshta personi më i përshtatshëm për të qenë kryetar në detyrë në këtë kohë mjaft të vështirë që po kalon qyteti.

Megjithëse, asgjë nuk është e qartë, pasi në këtë situatë emergjente, nuk është çudi që kryeministri të caktojë një administrator që e emëron vetë. Emri i zv/ministres Rovena Voda është një emër që ka nisur të qarkullojë në këto orë të para të pas dorëheqjes së Valbona Sakos.

Sako do të kujtohet si kryebashkiakja më jetëshkurtër në detyrë në historinë e Durrësit….

/portali DurresLajm/

Na bëni like në facebook!: 

Lajme nga e njëjta kategori

Prokuror i Apelit Durrës , Ludovik Dosaj rrezikon postin pas ankimimit të Komisionerit Publik.

Mjeku Ilir Allkja ka reaguar pas kritikave të zv.kryeministrit Erion Braçe, për mënyrën se si mjeku e kishte vënë maskën.

Shqipëria renditet e treta në botë për përdorimin e kokainës, në nivele të njëjta me Australinë dhe Kanadanë, sipas hartës së përditësuar

Vazhdon nënshkrimi i kontratave me qytetarët që përfitojnë grantin për rikonstruksion.

Ka nisur kalimi i parave të granteve të dëmshpërblimit për qytetarët në Durrës, banesat e të cilëve kanë dëme DS1 dhe DS2.

Ministria e Shëndetësisë ka përditësuar të dhënat e fundit lidhur me situatën e Covid-19 në vendin tonë.

Kthjellimet do të dominojnë në pjesën më të madhe të territorit shqiptar gjatë gjithë ditës.

Dokumenti i zbatimit të buxhetit të shtetit për vitin 2020, publikuar nga Ministria e Financave së fundmi, vlerëson se taksapaguesit shqi

Kancelarja gjermane Angela Merkel ka shpalosur para eurodeputetëve në PE prioritetet e presidencës 6- mujore gjermane të Bashkimit Europi