Kush është bosi shqiptar, “truri” i trafikut të kokainës në Ballkan? Heton edhe DEA Amerikane

Postuar: 18/06/2017 - 15:56

Policia greke ka zbardhur skemën si funksiononte organizata e kokainës e përbërë nga shqiptarë dhe grekë, kur 4 ditë më parë u arrestuan 5 persona. Zyrtarisht njoftohet se mes të arrestuarve, 4 janë shqiptarë të moshës 34-56 vjeç dhe një biznesmen grek 61-vjeçar i njohur në zonën e Trikallas në Greqi.

“Truri” i organizatës së kokainës në Ballkan është një 53-vjeçar shqiptar, thotë polica greke, e cila shton se është ndër njerëzit më të pasur në Shqipëri dhe i përfshirë në fushën e transportit të gazit natyror. Në këtë operacion të madh antidrogë është përfshirë dhe DEA amerikane e vendosur në Athinë. Kokaina vinte nga Kolumbia nga organizata “Cali”, e paketuar me logo të PlayBoy-t dhe ishte cilësi e pastër. Plot 21 kg kokainë u sekuestrua nga autoritetet greke dhe shuma të mëdha parash të dyshuara se janë përfituar nga aktiviteti kriminal.

Gjysma e sasisë së kokainës iu gjet biznesmenit grek, kurse gjysma tjetër një 35-vjeçari shqiptar tashmë të arrestuar. Ky i fundit e kishte fshehur drogën poshtë sediljes së shoferit dhe të pasagjerit në një vend të modifikuar posaçërisht.

Nga aktiviteti i trafikut të kokainës, kjo organizatë kriminale ka qarkulluar të paktën 800 mijë Euro. Shtypi grek shkruan se hetimet e DEA-s nuk kanë përfunduar akoma. Agjencia amerikane e zbulimit të trafikut të drogës ka dyshime të forta se biznesmeni shqiptari që drejtonte këtë rrjet droge, ka lidhje të forta në Shqipëri dhe hetimet mund të nxjerrin në dritë të tjera informacione të vlefshme.

Gjatë këtyre ditëve, mediat greke kanë raportuar se biznesmeni grek është pronar i një kompanie nafte në Shqipëri. Ai është Thanasis Karatzounis, kurse identiteti i biznesmenit shqiptar që drejtonte trafikun e kokainës nuk është bërë i ditur. /tvklan.al/

/portali DurresLajm/

Na bëni like në facebook!: 

Lajme nga e njëjta kategori

Kongresi Amerikan kërkon nga qeveria e Irakut të dëmshpërblejë pjesëtarët e opozitës iraniane të MEK-ut që ndodhen në Shqipëri.

Ministria e Drejtësisë i ka bërë një shkresë autoriteteve italiane lidhur me ekstradimin e Alket Hatijas, i ashtuquajtur ‘baron

Mbyllja e një lokali me muzikë live në Velipojë, ku këndonte Frederik Ndoci është kthyer në çështje të ditës në Shkodër.

Dy persona janë arrestuar dhe njëri është shpallur në kërkim, pasi grabitën dhe i vendosën gjobë një biznesmeni në kryeqytet.

Një krim i rëndë në familje ndodhi mëngjesin e djeshëm në zonën e Kamzës, në Tiranë.

Kushtet e kthjellimeve dhe vranësirave të shpeshta do të na shoqërojnë gjatë orëve të paradites në të gjithë vendin, më të dend

Numri i aksidenteve rrugore si 7-mujor ka rënë me 1.3%, raporton Instituti i Statistikave, krahasuar me të njëjtën periudhë të një viti m

Gjatë orëve të vona të ditës së sotme pritet që në veri të Shqipërisë të nisin reshjet e shiut, për të vijuar gjatë ditës së nesërme në g

Argëtimi deri në orët e para të mëngjesit në lokalet buzë detit dhe diskot verore në lagjen nr.1 të qytetit të Durrësit u ka kushtuar lir