Lajm i mirë/ Vendoset semafor në një prej rrugëve më të frekuentuara në Durrës (VIDEO)

09/08/2019 - 13:12

Vendoset semafori në rrugën "Vëllazërimi" në Ish-Kënetën e Durrësit, një rrugë me një qarkullim të lartë automjetesh dhe këmbësorësh.

Lajmi i mirë i përfundimit të punimeve, për të gjithë përdoruesit e këtij aksi është dhënë nga kryetari i komunës së njësisë administrative nr.6, Serjan Mazrreku.

Mazrreku thotë për "DurrësLajm" se vendosja e semaforit në këtë aks ishte e domosodoshme për shkak të numrit të lartë të aksidenteve të ndodhura por edhe për faktin që lidh institucionet e "Durrësit të Ri" (shkollat, komuna dhe qendra shëndetësore) me ato të qytetit.

I lumtur për këtë investim të bashkisë në zonën që Mazrreku drejton prej vitesh, apelon drejtuesit dhe këmbësorët të respektojnë rregullat e qarkullimit për të shmangur fatkeqësitë.

Brenda pak ditësh pritet të bëhet inaugurimi i plotë i semaforit të ri si dhe plotësimi i rrugës me sinjalistikën e nevojshme.

Kujtojmë që në harkun e dhjetë viteve në rrugën "Vëllazërimi" janë aksidentuar me pasojë humbjen e jetës 24 persona, gra, burra dhe fëmijë, çka ka bërë që të konsiderohet si rruga e vdekjes apo të ngrejë disa herë banorët në protestë.

Sjellim në vëmendje rastin ku Bukurie dhe Sabije Cufaj (vjehërr dhe nuse) u përplasen për vdekje mbrëmjen e 12 janarit pasi zbritën nga autobusi në përpjekje për të kaluar në anën tjetër të rrugës, ku edhe ndodhej banesa e tyre.

Aksi "Vëllazërimi", i cili është pjesë e Unazës së Durrësit, në të dy krahët është i mbushur me shtëpi dhe biznese, ndaj edhe fluksi i lëvizjeve është mjaft i lartë.

G.D.

/portali DurresLajm/

Video: 
Na bëni like në facebook!: 

Lajme nga e njëjta kategori

Gjykata e shpalli ish-ministrin e Brendshëm Saimir Tahiri të pafajshëm për trafik droge dhe fajtor për shpërdorim detyre.

Në kuadër të “Javes Europiane të Lëvizjes”, Bashkia Shijak në bashkëpunim me kopshtet dhe shkollat zhvilluan aktivitete të ndryshme sensi

Bllokohet një anije ruse e ngarkuar me grurë në portin e Durrësit.

Fundjava me diell do t`i lërë vendin ditëve me reshje dhe temperatura të ulta.

Ditën e fundit të shtatorit, në teatrin “Aleksandër Moisiu” të Durrësit, të gjithë të interesuarit do të mund të ndjekin një spektakël nd

Specialistët e krimit ekonomik kanë shoqëruar në polici për t’i marrë në pyetje 9 punonjës të Kadastrës së Durrësit.

Drejtori i Përgjithshëm Ekzekutiv i Autoritetit Portual Durrës, Agron Tare, ka pritur në takim një delegacion të Ambasadës së Shteteve të

Zëvëndësministri i Drejtësisë Toni Gogu është liruar nga detyra.

Ambasada amerikane në Tiranë ka reaguar në lidhje me rastin e dënimit të ish-ministrit, Saimir Tahiri mbrëmjen e të enjtes.