Leja e re e qarkullimit, dokumentacioni thjeshtohet vitin e ardhshëm dhe kushton më pak

24/10/2020 - 12:55

Duke nisur nga viti 2021, të gjithë drejtuesit e mjeteve do të mund të pajisen me një leje të re qarkullimi, e miratuar së fundmi nga Ministria e Infrastrukturës.

Kjo leje do të kushtojë më pak për qytetarët dhe nuk do të ketë një afat vlefshmërie, si ato aktualet. Pajisja me këtë leje qarkullimi do të eliminojë certifikatën e pronësisë së mjetit, pra një dokument më pak për drejtuesit e mjeteve.

Drejtori i përgjithshëm i shërbimit të transportit rrugor, Blendi Gonxhja, thotë për "Top Channel" se tashmë janë tre dokumente që bashkohen në një të vetme.

“Së pari ne sot paguanim 3500 lek të reja, për tre dokumente, certifikatën e pronësisë së mjetit, lejen e qarkullimit ndërkombëtar që duhej për të na shoqëruar dhe leje e qarkullimi të mjetit. këto tashmë janë të unifikuara në këtë leje të re qarkullimi dhe do të kushtojë vetëm 2100 lek të reja”.

Por cilët janë drejtuesit e mjeteve që mund të pajisen me lejen e re të qarkullimit vitin që vjen?

“Nuk janë të detyruar qytetarët që kanë lejen aktuale që të bëjnë kalimin në lejen e re, kjo leje e re u jepet atyre që duan ose atyre që kryejnë veprime të reja, ndryshime konstruktive si ndërrim targe, humbje apo vjedhje e saj. Këta mund të marrin lejen e re dhe vazhdojnë përpara. Të tjerët nuk janë të detyruar”.

Kjo leje e re qarkullimi tashmë nuk do të ketë afat skandece, pasi në të nuk do të kete më vula të kolaudimit, të cilat më parë detyronin drejtuesit e mjeteve që herë pas herë të rinovonin lejen e qarkullimit.

Kategoria që përfiton më shumë nga ky ndryshim janë mjetet e transportit, të cilat kryenin kontrollin fizik më shpesh se mjetet e tjera. Sipas vlerësimeve të drejtorisë së përgjithshme të transportit rrugor, pritet që vitin e ardhshëm leja e re e qarkullimit t’u kursejë qytetarëve, rreth 1.35 milionë euro.

/portali DurresLajm/

Na bëni like në facebook!: 

Lajme nga e njëjta kategori

Petrit Prifti, xhaxhai i 32-vjeçarit Silvi Priftii cili rezulton i zhdukur që nga dita e djeshme kur hyri në det për peshkim, ka dhënë de

“Nata e Bardhë”, e cila tashmë është bërë traditë për kryeqytetasit, nuk mungoi as këtë vit të vështirë për shkak të pandemisë.

Arqipeshkëvia Metropolitane Tiranë – Durrës, njofton se Imzot George Frendo është shëruar nga koronavirusi.

Ministria e Shëndetësisë njofton se gjatë 24 orëve të fundit janë kryer 2.253 testime, prej të cilave 133 janë testime janë kryer për ars

Një tjetër mjek ka humbur jetën. Është ndarë nga jeta sot në moshën 67- vjeçare mjeku pediatër nga Kavaja, Hidajet Deda.

Vijojnë kontrollet nga Policia e Durrësit për parandalimin e përhapjes së COVID-19.

Policia e Durrësit dhe polumbarët janë vënë kërkim të një 32-vjeçari, i cili ka humbur kontaktet që nga dita e djeshme kur hyri në det pë

Shqipëria përkujton sot 76-vjetorin e çlirimit nga pushtuesit nazifashistë në Luftën e Dytë Botërore.

Vendi ynë sot do të mbizotërohet nga alternime kthjellimesh dhe vranësirash duke sjellë një mot të vranët dhe me reshje në të gjithë terr

Shqiptarët renditen të dytët në Itali sa i përket numrit të punëtorëve të rregullt e që kontribuojnë në sigurimet shoqërore.