Ligji për ndalimin e makinave të vjetra, ç'do ndodh me ata që i kanë blerë rishtazi

23/09/2018 - 11:09

Duke nisur nga data 1 janar 2019, në Shqipëri do të ndalohet importi i makinave të përdorura mbi 10 vjet prodhim. Në ditën pa makina, ministri i Turizmit dhe Mjedisit, Blendi Klosi ka prezantuar këtë projektvendim. Sipas ministrit projektvendimi nuk prek makinat e përdorura mbi 10 vjet prodhim që janë aktualisht në qarkullim, por kufizon futjen e makinave të tilla pas 1 janarit 2019.

Ndërsa për makinat e patarguara që janë aktualisht në Shqipëri do të lihet një afat 5 mujor që të regjistrohen. Ministri Klosi theksoi se kjo nismë bëhet në mbështetje të shëndetit të qytetarëve, pavarësisht kundërshtimit nga grupe të caktuara interesi si komuniteti i menaxhimit të biznesit, ata që merren me riparimin e makinave të vjetra dhe shitësit e karburantit.

“Në radhë të parë ne flasim për shëndetin dhe kur bëhet biseda për shëndetin nuk ka nevojë që të bësh asnjë bisedë tjetër, kur flitet sesa shumë janë shtuar problematikat e sëmundjeve në vetëm vitet e fundit në vendin tonë që vijnë nga ndotja e ajrit, nga makinat në vendin tonë. Nga viti 2012 në 2015 sipas Organizatës Botërore të Shëndetësisë ne kemi 23% më shumë sëmundje të njerëzve nga ndotja. Dhe për këtë ne duhet të marrim veprime drastike për të kufizuar ndotësit dhe prandaj marrim këtë mekanizëm drastik, sepse duam që të reduktojmë në maksimum ndotjen e ajrit”, deklaroi ministri. Klosi dha shembullin e Kosovës, si një ndër vendet që e ka futur këtë kufizim. Sipas të dhënave, mosha mesatare e makinave në Shqipëri është 20 vjet, çka shton kostot e mirëmbajtjes dhe të karburantit. “Në qoftë se një qytetar kërkon të blejë një makinë, me ato pak lek që ka, të mos blejë një makinë me emër të madh që ka bërë 200 mijë km, që konsumon karburant 5 herë më shumë, që për dy vjet e çon për skrap, por të përpiqet të ketë një makinë të normave me kapacitet më të vogël, me po ato para që ta mbajë 7-8 vjet, të konsumojë çdo ditë 1 të tretën e karburanti dhe në fund atë makinë edhe e tregton”,-tha Klosi. Ministri u kërkoi ndërkohë koncesionarëve të makinave që të orientojnë tregun me makina më të përshtatshme edhe në çmim, për qytetarët e thjeshtë.

Ulja e TVSH-së

Në ditën pa makina, ministri i Turizmit dhe Mjedisit, Blendi Klosi, ka bërë të ditur gjatë një takimi me distributorët e automjeteve projektligji ka dy pika kryesore. E para është ndalimi i importit të makinave të vjetra mbi 10 vjet. Elementi i dytë është ulja e TVSH-së për automjetet e reja në 10% nga 20% që është aktualisht, duke i bërë ato më të lira. Klosi tha se kjo masë merret për të mbrojtur mjedisin dhe shëndetin e banorëve dhe synon edhe reduktimin e ndotjes që shkaktohet nga karburantet. Klosi tha se makinat e vjetra që qarkullojnë sot nuk do të dalin nga tregu, por do u jepet kohë që të përshtaten. E njëjta gjë do të bëhet edhe për automjetet që janë importuar dhe që janë stok, pra nuk janë targuar akoma. Klosi tha se janë rreth 60 mijë automjete të tilla, të cilave do u jepet një afat prej 4-5 muaj që të targohen. Nisma e fundit e qeverisë gjeti dhe mbështetjen e distributorëve, të cilët e cilësuar një hap në drejtimin e duhur./GSH

/portali DurresLajm/

Na bëni like në facebook!: 

Lajme nga e njëjta kategori

Pas lidhjes me “Skype” në emisionin “Dritare me Rudinën”, ish-zv.ministri i Arsimit, Taulant Muka ka zbuluar se një nga të ftuarat në stu

Një studente është shprehur në studion e emisionit “Opinion” në Tv Klan se është shkëputur nga shkolla për shkak të kushteve të rënda eko

E ftuar në emisionin “Opinion”, një lektore e UAMD-së doli haptazi në mbështetje të kërkesave të studentëve dhe ndërsa nënvizoi faktin se

Agjencia e njohur e lajmeve, Reuters, ka publikuar një raportim në lidhje me protestën e studentëve në Shqipëri

Pasi qëndruan për disa orë para Ministrisë së Arsimit ku nuk morën përgjigje për 8 kërkesat e tyre, një grup studentësh u stacionuan para

Pas skandalit të publikuar nga emisioni ‘Të paekspozuarit’ në ‘News24’ në lidhje me kompaninë Dunwell Haberman, e cila fitoi lotin e parë

Kryeprokurorja e Përgjithshme, Arta Marku ka përshëndetur krijimin e Këshillit të Lartë të Prokurorisë pas zgjedhjes së anëtarëve, duke e

Në Shqipëri janë shtuar pyetjet rreth firmës së regjistruar në Delaware të SHBA, Dunwell Haberman, e cila përmes falsifikimit të dokument

“Kemi të gjitha arsyet të protestojmë”. Me këto fjalë i janë drejtuar shumë qytetarë durrsakë që ishin dalë të protestonin kryem

Rreth dy orë ka zgjatur komunikimi mes studentëve para godinës së Ministrisë së Arsimit dhe të gjithë së bashku kanë rënë dakord për përs