Ligji që krijon super-policinë/ Bën përgjime dhe administron pronat e sekuestruara

13/02/2020 - 15:50

Paketa ligjore Anti KÇK, parashikon ndryshime edhe në ligjin për Policinë e Shtetit. Sipas projektligjit të depozituar në Kuvend, policia kthehet në institucion me kompetenca te mëdha, duke shmangur prokurorinë në lidhje me përgjimet.

Neni 131 i ligjit aktual të policisë së shtetit, parashikon që policia për zbulimin e një vepre penale apo veprimtarie kriminale duhet të marrë autorizimin e prokurorisë për të përgjuar ambientet, bisedat telefonike apo pajisjet për fotografim, regjistrim audio apo video.

Por, projektligji i ri, ia jep këtë të drejtë automatikisht policisë për të kryer këto përgjime, pas patur nevojën e një autorizimi nga ana e prokurorisë. Po ashtu shtohet edhe një tjetër pikë në ligj, ku policia mund të bëjë mbikqyrje të fshehtë të personave të dyshuar për kryerjen e veprimtarive kriminale.

Përgjimet, me ndryshimet e reja që parashikohen në këtë paketë ANTI KÇK, mund të zgjasin deri në tre muaj, por nëse policia e sheh të arsyeshme, mund t’i zgjasë edhe një tjetër herë me tre muaj.

Por kjo paketë e re më ndryshimet e parashikuara, heq nga duart e Ministrisë së Financave edhe Agjencinë e Administrimit të Pronave të sekuestruara dhe Konfiskuara, duke e kaluar atë nën varësi të Ministrisë së Brendshme. Kjo e fundit është edhe institucioni që e ka hartuar këtë projektligj.

E gjithë kjo vjen pas miratimit të aktit normativ më 31 janar të këtij viti, ku Operacioni Forca e Ligjit, pritet të sekuestrojë pasuritë dhe pronat e individëve të përfshirë në aktivitete kriminale dhe që pasuria e tyre buron prej këtyre veprimtarive.

Ligji aktual për administrimin e pronave të sekuestruara apo konfiskuara parashikon zbatimin për ato pasuri të cilat janë produkt i krimit të organizuar, trafikimit apo korrupsionit, të financuara nga terrorizmi apo produkt i veprave penale.

Me ndryshimet e reja, kjo agjenci nën varësi të ministrit të Brendshëm, do të administrojë edhe pasuritë e sekuestruara nga Operacioni Forca e Ligjit.

Top Channel

/portali DurresLajm/

Na bëni like në facebook!: 

Lajme nga e njëjta kategori

Një lidhje jashtëmartesore që vazhdonte prej kohësh dhe problemet ekonomike të ardhura si pasojë, kanë qenë motivet e krimit makabër në D

Në një deklaratë për mediat, shefja e Epidemiologjisë në Institutin e Shëndetit Publik, Eugena Tomini, ka pohuar se janë testuar 17 raste

Policia e Shtetit njoftoi të enjten disa nga masat e parashikuara për parandalimin e aksidenteve rrugore.

Drejtuesja e Shërbimit të Inteligjencës Epidemiologjike, pjesë e Task-Forcës, Eugena Tomini në një dalje publike për mediat deklaroi se n

Në Konferencën e Nivelit të Lartë, "Siguria Rrugore 2020", ministrja e Energjitikës, Belinda Balluku tha se duhet një transformim i menta

Kolegji i Posaçëm i Apelimit ka shkarkuar nga detyra prokurorin Besnik Cani, anëtari i KLP-së.

Dalin detaje të reja në lidhjen me ngjarjen e djeshme të krimit në familje që ndodhi në Durrës.

Dy tragetet e linjës Durrës – Bari, të cilët nuk mundën të lundronin natën e kaluar drejt destinacionit për shkak të erës së fortë me shp

Goditet një tjetër rast i armëmbajtjes pa leje në Durrës, arrestohet në flagrancë një 26-vjeçar.