Maryam Rajavi takohet me ish-Kryebashkiakun e New York-ut në Manzë

12/07/2019 - 14:21

Maryam Rajavi, Presidentja e zgjedhur e Këshillit Kombëtar të Rezistencës së Iranit, u takua sot me Rudy Giuliani-n, ish-Kryebashkiaku i New York-ut. Takimi u zhvillua në Ashraf-3, në vendbanimin e Rezistencës Iraniane në Shqipëri.

Ata diskutuan zhvillimet më të fundit në Iran dhe në rajon, duke përfshirë protestat e vazhdueshme antiregjim në mbarë vendin, gjendjen e dobësuar të regjimit dhe veprimtaritë e tij malinje në rajonin e Lindjes së Mesme.

Znj. Rajavi përsëriti se regjimi iranian gjendet përballë një shoqërie në prag të shpërthimit, një lëvizjeje rezistence të organizuar dhe një mjedisi ndërkombëtar ndryshe. “Si rezultat i zgjerimit të njësive të Rezistencës dhe të veprimtarive të tyre mbarëkombëtare, së bashku me paaftësinë e regjimit për të trajtuar problemet thelbësore me të cilat përballet populli iranian, perspektiva për përmbysjen e këtij regjimi nuk ka qenë kurrë më e ndritshme,” tha ajo, duke shtuar, “Është koha që komuniteti botëror ta njohë kërkesën e drejtë të popullit iranian për ta rrëzuar diktaturën fetare në pushtet.”

Duke rikujtuar se Presidenti amerikan dhe Sekretari i Shtetit kanë deklaruar vazhdimisht se ky është një regjim i korruptuar dhe se populli i Iranit ka qenë viktima që ka vuajtur më gjatë prej tij, Kryebashkiaku Giuliani theksoi se Amerika qëndron në anën e popullit iranian dhe e mbështet luftën e tij për liri.

Kryebashkiaku Giuliani tha se ekziston një alternativë e arsyeshme ndaj regjimit iranian, e cila mishërohet në Këshillin Kombëtar të Rezistencës së Iranit (NCRI), duke iu referuar planit me dhjetë pika të NCRI-së për të ardhmen e Iranit si një garanci për liri, demokraci dhe të drejta njerëzore në një Iran post-teokratik. Duke vlerësuar udhëheqjen e znj. Rajavi, z. Giuliani tha, “Rezistenca Iraniane është e pashoqe në aftësinë e saj për ta përmbysur tiraninë fetare që sundon Iranin dhe për ta sjellë atë komb të madh në gjirin e botës së qytetëruar.” 

Z. Giuliani shtoi, “Zhvillimi i Ashraf 3 në një periudhë kaq të shkurtër kohore është i mahnitshëm dhe tregon aftësinë e mrekullueshme të MEK për ta rindërtuar Iranin i cili është shkatërruar nga ky regjim.”

Znj. Rajavi shtoi se sanksionimi i Khamenei-t dhe zyrës së tij duhet të zgjerohet për të përfshirë edhe Hassan Rouhani-n dhe Javad Zarif-in në mënyrë që t’i jepet fund shfaqjes së përçarë të moderimit dhe reformës në regjimin klerikal. Ministria e Inteligjencës dhe Sigurisë (MOIS) ashtu si Garda Revolucionare (IRGC) duhet të vihet në listat terroriste të SHBA-së dhe BE-së. Regjimi iranian dhe IRGC duhet të përjashtohen nga Iraku, Siria, Jemeni, Libani dhe Afganistani. Agjentët e IRGC dhe MOIS duhet të gjykohen e të përjashtohen nga SHBA dhe BE.

/portali DurresLajm/

Video: 
Na bëni like në facebook!: 

Lajme nga e njëjta kategori

Një incident ndodhi me një vajzë sot në plazhin e Durrësit, e cila pasi kishte humbur ndjenjat, ishte rrëzuar në tokë duke u përplasur me

-Fjala në varrimin e kësaj gruaje fisnike dhe me karakter të jashtëzakonshëm

Ministrja e Financave dhe Ekonomisë, Anila Denaj, ishte sot në terren, në kuadër të zbatimit të masave të Planit Operacional në luftën ku

Mëngjesin e sotëm, si çdo ditë, në portin e Durrësit kanë mbërritur dy tragetet e linjës Bari-Durrës.

Teksa drejtori i Policisë Rrugore, Mitat Tola po fliste për menaxhimin e trafikut dhe masat e shtuara nga policia rrugore gjatë sezonit t

Jo vetëm “Bulevardi blu”, rruga “New York”, “Berlusconi”, “George Bush”, “Donald Trump”, “Manhatan”, “Sali Berisha”, “Berlin” etj, Bashki

37-vjeçarja Azbije Kuka, e cila humbi jetën ditën e premte, pasi u godit me thikë nga bashkëshorti i saj Ardiani, do të shoqërohet sot në

Ngjarja e rëndë që tronditi Durrësin një ditë më parë ka nisur menjëherë pasi kryefamiljari Ardian Kuka (në foton poshtë) ishte kthyer në

Një anije shqiptare është bllokuar në portin e Ravenës, në Itali.