Policia e Durrësit edhe gjatë ditës së sotme ka operuar me shërbime dhe masa të rrepta policore ndaj personave dhe subjekteve që thyejnë karantinën. Nga të dhënat që “DurrësLajm” ka siguruar për ditën e sotme, rezulton se policia ka mbajtur nën mbikëqyrje me shërbime në 8 banka të nivelit të dytë, 5 zyra të Postës Shqiptare, 6 tregje fruta- perime dhe 5 supermarkete, ku ka patur grumbullime të qytetarëve.
35 qytetarë janë gjobitur pasi kanë rezultuar se kanë dalë pa leje nga banesat etyre.
Konkretisht:
– Në zbatim të nenit 3/17, janë vendosur 35 gjoba, në masën 10.000 mijë lekë për individët që kanë dalë pa leje të miratuar në rrugë.
– Në zbatim të nenit 3/7, janë vendosur 3 gjoba për 3 lokale që janë konstatuar të hapura, në masën një milion lekë.
– Në zbatim të nenit 3/11, janë tërhequr 4 leje qarkullimi dhe drejtimi për 4 mjete, që janë kapur në lëvizje pa autorizim dhe janë bllokuar në banesat e shkelësve.
– Janë mbajtur nën kontroll personat që ndodhen në karantinim në banesat e tyre.
Vazhdon puna për mbajtjen e situatës nën kontroll dhe monitorimin e situatës.
