"Materialet e tjera që ka gazetari gjerman, implikojnë njerëz të…”

05/06/2019 - 23:07

Gazeta gjermane “Bild” ka publikuar regjistrime audio të “Dosjes 339/1”, pjesë e së cilës është grupi i Avdylajve të Shijakut. Në 6 përgjime audio të publikuara online dëgjohet Astrit Avdylaj, që sipas Bild, mbledh vota në favor të kandidatit të Partisë Socialiste në qarkun e Durrësit, Ilir Ndrazhi përpara zgjedhjeve të 2017-s.

Gazeta gjermane publikon edhe një tjetër bisedë mes Astrit Avdylit dhe Ivo Doçit, administratorit të Ujësjellës Kanalizimeve të Shijakut, të cilit i kërkon listën e punonjësve që njihen si mbështetës të PD-së.

Një tjetër bisedë është ajo që zhvillohet mes Astrit Avdylit dhe Arjan Ndrazhit, vëllait të Ilir Ndrazhit, i cili në atë kohë, sipas Bild priste të futej në listat e kandidatëve për deputetë.

Ndrazhi u bë pjesë e tyre dhe fitoi mandatin në zgjedhjet e vitit 2017. Në përgjimet e publikuara është edhe një bisedë mes Astrit Avdylit, tashmë i arrestuar dhe Kreut të Bashkisë së Durrësit, Vangjush Dako të cilët flasin për një takim dhe ku përmenden edhe zyrtarë të Hipotekës dhe një i dënuar për vrasje, Vath Alla, që sipas Bild ka një punë për të mbaruar në Hipotekë dhe po ndihmohet nga Avdylaj.

Në bisedat telefonike të regjistruara, Astrit Avdyli flet edhe me kreun e IKMT-së së Shijakut, Elton Arbana, të cilit i kërkon të ndërhyjë për anulimin e një gjobe. Arbana është aktualisht kandidat i Partisë Socialiste për Bashkinë e Shijakut.

Por çfarë materialesh të tjera ka gazetari gjerman? I ftuar në Opinion, gazetari Basir Çollaku tregoi se materialet e tjera që do publikohen janë edhe më të forta.

“Kam qëndruar afër dy ditë me Peter Tiede dhe them që ka materiale të tjera dhe në gjykimin tim janë edhe më të rënda se kaq. Ai ka qenë në gjithë Shqipërinë, duke u marrë dhe me krimin elektoral edhe me trafikun e drogës. Kemi Durrësin, Shkodrën, Lezhën, Hasin dhe Dibrën. Ka materiale që janë zyrtare, që vijnë nga institucionet shqiptare. Edhe për dosje të tjera, që implikojnë persona edhe më të rëndësishëm politikë”, theksoi Basir Çollaku.

/portali DurresLajm/

Na bëni like në facebook!: 

Lajme nga e njëjta kategori

Një operacion antidrogë u zhvillua mbrëmë në Tiranë nga policia e kryeqytetit, Durrësit, Fierit, ndërsa në pranga kanë rënë 7 persona.

Ministrja e Mbrojtjes, Olta Xhaçka, ka njoftuar përmes një postimi në rrjete sociale lajmin e mirë, se që nga fillimi i vitit, në hartat

Bashkia e Durrësit, përmes një postimi në rrjete sociale, ka shprehur ngushëllimet për ndarjen para kohe nga jeta të punonjësit të saj, I

Një ditë pasi përcolli të atin për në banesën e fundit, Bora Ferri, vajza e artistit të mirënjohur Xhevdet Ferri ka vendosur të flasë me

Gjykata e Tiranës dha sot masën e sigurisë për të arrestuarit pas tërmetit në Tiranë.

Ndahet nga jeta pas një ataku kardiak, Ilirjan Tanko, drejtor i arkivës pranë bashkisë Durrës.

Një operacion policor për kapjen e një personi shumë të kërkuar, me rrezikshmëri të lartë shoqërore është zhvilluar gjatë natës në Vlorë.

Policia Rrugore ka ushtruar kontrolle gjatë natës së kaluar në disa akse.

Studentët shqiptarë do të kenë mundësinë që pushimet e verës, t`i shfrytëzojnë për punësim sezonal në Gjermani.