Portali "DurrësLajm" kërkon të punësojë një gazetar/e për web, të interesuarit të dërgojnë CV-në në adresën e email: [email protected]

Mblidhet Këshilli Kombëtar i Barazisë Gjinore, Manastirliu: Shqipëria përmirësohet me 14 vende për indeksin gjinor

22/01/2020 - 19:00

“Të dhënat e  raportit të Indeksit Global të Hendekut Gjinor të Forumit Ekonomik Botëror të vitit 2020, tregojnë që për vitin 2019 Shqipëria renditet në vendin e 20-të nga 153 vende, krahasuar me vendin e 34-t që ishte në vitin 2018, me përmirësime të dukshme në pjesëmarrjen dhe përfaqësimin politik të grave”. Deklarata u bë nga Ministrja e Shëndetësisë dhe Mbrojtjes Sociale Ogerta Manastirliu në mbledhjen e IV të Këshillit Kombëtar të Barazisë Gjinore, që zhvilloi punimet pasditen e sotme në ambientet e Ministrisë së Shëndetësisë dhe Mbrojtjes Sociale.

Manastirliu deklaroi se për herë të parë Shqipëria ka hartuar raportin “Indeksi i Barazisë Gjinore në Shqipëri”, i cili do të publikohet për herë të parë për Shqipërinë. 

“Ky raport që hartohet për herë të parë na tregon se përparimi i Shqipërisë në drejtim të barazisë gjinore shënon vlerën 60.9 pikë, pra vetëm 7 pikë më pak se mesatarja e Indeksit të Barazisë Gjinore të vendeve të Bashkimit Evropian”, tha Manastirliu. 

Megjithë progresin e shënuar në këtë fushë, Ministrja e Shëndetësisë dhe Mbrojtjes Sociale u ndal te problematika e dhunës në familje, një fenomen me të cilin përballen çdo ditë qindra e mijëra gra.

“Janë evidentuar dhe trajtuar nga strukturat e policisë 4629 raste të dhunës në familje, pra 322 raste ose 6.5% më pak se gjatë vitit 2018”, tha Manastirliu.

Manastirliu tha se pavarësisht ka një ulje të shifrave të dhunës në familje zbatimi korrekt i ligjit, puna për fuqizimin e strukturave dhe shërbimeve mbështetëse të specializuara për mbrojtjen dhe trajtimin deri në riintegrim të viktimave/të mbijetuarave, mbeten prioritet duke planifikuar mbështetje në terma financiarë. 

“Për vitin 2019-të janë mbështetur me fonde nga Ministria e Shëndetësisë dhe Mbrojtjes Sociale jo vetëm shërbimet e specializuara të ngritura nga shteti, por edhe ato të inicuara apo që menaxhohen nga shoqëria civile. Këtu mund të përmendim Linjën Kombëtare të Këshillimit për Gra dhe Vajza 116 117,  Linjën Telefonike Kombëtare për fëmijët ALO 116 111, si dhe Qendrën Rezidenciale “Streha” për antarët e komunitetit LGBTI. Gjithashtu buxhet i përvitshëm planifikohet për Qendrën Kombëtare të Trajtimit të Viktimave të Dhunës në Familje dhe për Qendrën Kombëtare Pritëse të Viktimave të Trafikimit. Njëkohësisht prej një viti po menaxhojmë Qendrën “LILIUM”, të parën qendër të trajtimit të viktimave të dhunës seksuale në Shqipëri”, tha ministrja.

Këshilli Kombëtar i Barazisë Gjinore që drejtohet nga ministrja Manastirliu, i përbërë nga drejtues të ministrive të linjës dhe përfaqësues të organizatave të shoqërisë civile, miratuan raportet e monitorimit dhe vlerësimit, me mbështetjen e partnerëve ndërkombëtarë, më konkretisht: Raportin e Monitorimit mbi Zbatimin e Planit Ndërinstitucional të Veprimit në lidhje me  Rezolutën 1325 të Këshillit të Sigurimit të Kombeve të Bashkuara mbi “Gruan, Paqen, Sigurinë” për periudhën Tetor 2018 - Shtator 2019; Raportin mbi Indeksin e Barazisë Gjinore në Republikën e Shqipërisë, i përgatitur për herë të parë për Shqipërinë në vitin 2020 dhe Raportin mbi analizën e funksionimit të Mekanizmave të Koordinuar të Referimit të Rasteve të Dhunës në Familje në nivel vendor, bazuar në vlerësimin e përfunduar në Tetor 2019.

/portali DurresLajm/

Na bëni like në facebook!: 

Lajme nga e njëjta kategori

Sipas MeteoAlb vendi sot do të vijojë të jetë në ndikimin e kushteve të qëndrueshme atmosferike, të cilat do të sjellin kthjellime në pje

Qendra për Zhvillimin e Shoqërisë Civile Durrës (CSDC) pjesë e Rrjetit POP (Përballja e Ofertave Politike), në kuadër të Zgjedhjeve Parla

Mjeku psikiatër i spitalit të Krujës, Përparim Pengili, ka ndërruar jetë sot nga COVID-19 në moshën 72-vjeçare.

Sekuestrohen rreth 143 kilogramë lëndë e dyshuar narkotike kokainë dhe arrestohen në flagrancë 2 administratorët e kompanisë pritëse të n

Ministria e Shëndetësisë njofton se në 24 orët e fundit, kanë humbur jetën 6 persona nga COVID-19, ndërsa janë raportuar 360 raste të rej

Krimi horror që tronditi opinionin publik paraditen e sotme, ku një grua në Kavajë u gjet e djegur në makinë, ndërsa bashkëshorti i saj i

Administratori i "Masabi Fruits", Erjon Peti ka folur ekskluzivisht për konteinerin me 200 kg kokainë që është kapur në portin e Durrësit

Unioni Europian i Kontrollorëve të trafikut Ajror ka reaguar sërish sot në një deklaratë për media pas vendimit të Gjykatës së Tiranës, q

Unioni i Gazetarëve Shqiptarë shkruan një mesazh ngushëllimi për ndarjen nga jeta të gazetares shkodrane Anila Dushi, e cila mëngjesin e

Mësohen detaje të reja nga ngjarja e rëndë që ndodhi në fshatin Manskuri të Kavajës, ku policia njoftoi se një grua është gjetur e djegur