Ministria e Brendshme përgënjeshtron Berishën për aksidentimin me vdekje të truprojës së Ramës

15/06/2019 - 13:39

Pas publikimit të lajmit nga ish-kryeministri Sali Berisha se nga aksidentimi i eskortës së kryeministrit Edi Rama në Librazhd ka ndërruar jetë një truprojë dhe një tjetër ka mbetur i plagosur, ka reaguar edhe Ministria e Brendshme e cila e përgenjeshtron këtë lajm.

Sipas Ministrisë së Brendshme, lajmi i publikuar nga ish-kryeministri nuk është i vërtetë, ndërsa shton se nuk ka asnjë problem për jetën e truprojave të kryeministrit.

Reagim i Ministrisë së Brendshme:

Ministria e Brendshme nuk angazhohet në përgënjeshtrimin publik të insinuatave apo lajmeve të rreme që publikohen nëpër rrjetet sociale.

Por kur media të caktuara, që pretendojnë seriozitet dhe përgjegjshmëri publike, bëhen zëdhënës të tyre, Ministria e Brendshme e quan me dobi publike reagimin.

MB hedh poshtë me neveri insinuatën e turpshme të publikuar sot në disa media për kinse humbje jete apo plagosje të truprojeve të Kryeministrit gjatë provokimeve nga disa protestues të Partisë Demokratike në Librazhd, më datë 13.06.2019.

Nuk ka pasur kurrfarë problemi për jetën dhe shëndetin e truprojeve të Kryeministrit gjatë veprimtarisë së zhvilluar në Librazhd, apo në qarqet e tjera të vendit gjatë këtyre ditëve.

Ministria e Brendshme fton median e përgjegjshme dhe opinionin publik që të jenë shumë të kujdesshëm me insinuata të kësaj natyre haluçinante, të cilat kanë shpeshherë të njëjtin burim dezinformimi dhe që synojnë vetëm një gjë: krijimin e një klime pasigurie dhe paqartësie në vend.

MB i kujton opinionit publik se nga i njëjti burim, që ka publikuar së pari insinuatën e sotme, vetëm përpara pak ditësh, u përhapën trillime monstruoze që synonin të kompromentonin Policinë e Shtetit dhe t’i ngarkonin asaj paturpësisht përgjegjësinë për goditjen e dy protestuesve gjatë protestës së datës 2 qershor 2019, të cilat, siç u provua botërisht, kishin ardhur nga protestues të tjerë.

MB fton mediat që kanë publikuar këtë insinuatë kaq flagrante dhe në shpërfillje të plotë të parimeve profesionale të gazetarisë që të distancohen nga praktika të tilla, që të përgënjeshtrojnë njoftimin e dhënë dhe të marrin masa që në të ardhmen të mos ndodhin më raste të ngjashme dezinformimi.

/portali DurresLajm/

Na bëni like në facebook!: 

Lajme nga e njëjta kategori

Ka hyrë në Mesdhe tankeri “Epic Shikoku” me 8 mijë tonë gaz të lëngshëm, i cili është nisur më 14 nëntor 2019, ora 10:23 sipas orës vendo

Një ditë përpara pretencës së prokurorisë, biznesmeni Arbër Çekaj, i konsideruar nga ish-ambasadori amerikan Donald Lu, si peshku i madh

Prokurorja e Përgjithshme e Përkohshme, Arta Marku ka ankimuar vendimin e Këshillit të Lartë të Prokurorisë që e rendit të dytën në listë

Banorët e bllokut të pallatave në rrugën "Aleksandër Goga" pranë gjykatës, kanë marrë zgjidhje për furnizimin me ujë të pijshëm.

Presidenti Ilir Meta ka dekretuar lirimin nga detyra të ambasadorit të Shqipërisë në Turqi, Gent Gazheli.

Ashtu si Gjermania dhe Austria në parim ka mbështetur propozimin francez për zgjerimin e BE-së, por me kusht që kjo të mos vonojë çeljen

Në rrugën Tiranë-Elbasan vijon kontrolli me radar nga Policia Rrugore.

Vijon operacioni policor i koduar “RODONI”,  për goditjen e veprimtarisë kriminale në fushën e korrupsionit dhe falsifikimit të dokumente

Pas rreth 90 minutash, pak më parë ka mbaruar takimi i Presidentit Ilir Meta me aleatët e opozitës jashtë parlamentit.

Sipas Meteoalb, Shqipëria do të karakterizohet nga kthjellime dhe vrnaësira të herë pas hershme gjatë paradites.