Mjeku i spitalit të Durrësit që u shërua nga koronavirusi tregon çfarë i ndodhi: Ja simptomat që pata

25/03/2020 - 22:36

Mjeku infeksionist Beqir Gelaj është një nga personat e prekur nga COVID-19 nga pacientja që ndërroi jetë në spitalin e Durrësit, ndërkohë që tregon simptomat e këtij virusi, që deri më tani ka marrë jetën e 5 personave.

Në një intervistë për ‘Real Story’ në ‘News24’ Gelaj pohoi se aktualisht qëndron në shtëpi dhe se simptomat e tij ishin shumë të lehta, dhimbje koke, dhimbje trupi si dhe kollë të lehtë. Ai tha se tashmë rezulton negativ, por i duhet të qëndrojë në karantinë për 14 ditë.

INTERVISTA:

Si e mësuat faktin që ishin prekur nga koronavirusi?

Atë ditë kam qenë mjek roje. Kur kam marrë shërbimin gruaja ka qenë në gjendje të rëndë. Kemi qenë me doreza. Pacienti rëndohet nga ora e gjysmë e natës. Më pas u mor tamponi dhe u dërgua përgjigja që ishte pozitiv.

Në ato momente çfarë ndjetë?

Realisht, kur erdhi përgjigja për pacienten, dhe i gjithë personeli mori tamponët. Hymë në vetekarantinim. Fati që deshi që vetëm unë të isha pozitiv.

Ju patët simptoma?

Kisha shqetësime të lehta kisha.

Çfarë ndjetë?

Unë jam specialist i kësaj fushe dhe një pjesë e madhe kalon në formë asiptomatike. Që besoj se do kalojë 80 përqind e rasteve. Shqetësime të vogla, dhimbje koke, dhimbje muskuj, një kollë të lehtë dhe s’kam pasur temperaturë. I gjithë personeli i spitalit të Durrësit vetëm unë rezultova pozitiv.

Si ka mundësi që vetëm ju u shfaqet me simptomë pozitive?

Nuk mund të them. Unë jam vet i kujdesshëm, por duke qenë në kontakt me pacientë, jemi të rrezikuar.

Vë re që në Durrës numri ka mbetur i njëjtë numri i të prekurve me COVID-19. Pse ndodh kjo?

Janë shumë arsye. Në përgjithësi dhe kjo ekziston mundësia, që respektohen deri diku. Të gjithë pacientët që paraqiten tek urgjenca, ndiqen në mënyrë korrekte nga personeli. Secili i sëmurë paraqet gjendje klinike të ndryshme.

Ju jeni ende në karantinë?

Po për 14 ditë të tjera.

Ju do të ktheheni në detyrë në rast se jeni negativ?

Patjetër që po. Ai është profesioni ynë.

Mesazhi juaj për kolegët?

Kolegët janë të kujdesshëm padiskutim. Por më shumë duhet një mesazh për masën e gjerë të popullit. Vetëizolimi është masa në këto kushte dhe higjiena. Duhet të respektohen të gjitha rregullat për COVID-19.

/portali DurresLajm/

Na bëni like në facebook!: 

Lajme nga e njëjta kategori

Rreth 80 shtetas italianë, të cilët kishin mbetur në Shqipëri pas mbylljes së kufijve për shkak të situatës së krijuar prej pandemisë së

Akademia e Shkencave e Shqipërisë ka uruar sot akademiken dhe profesoreshën e njohur të Fakultetit Filologjik, Floresha Dado.

Dezinfektimi i tregut të fruta-perimeve në Durrës do të vazhdojë edhe ditën e nesërme, ndërkohë që vetëm nga data 1 prill ai do të rihape

Mëngjesi i ditës së hënë ka nxjerrë nga izolimi i fundjavës bizneset dhe teksa me shtrëngimin e masavekundër përhapjes së CoVid-19, për n

Në qytetin e Kukësit masat e marra nga qeveria duket se po gjejnë zbatim nga pjesa më e madhe e qytetarëve.

Në vijën e parë të luftës ndaj koronavirusit, jo vetëm në vendin tonë, por në mbarë botën, janë: mjekët, infermierët, zjarrfikësit, polic

Ministria e Shëndetësisë ka ndryshuar një pikë në urdhrin që kufizon lëvizjet në Shqipëri në kuadër të masave për të frenuar përhapjen e

Pas mbylljes me urdhër të bashkisë, është bërë pastrimi dhe dezinfektimi i tregut të fruta-perimeve në Durrës.

Delegacioni Europian në Shqipëri, me anë të një postimi në rrjetin social “Twitter” iu ka bërë thirrje të gjithë qytetarëve, që në orën 2

Ministrja e Arsimit, Sportit dhe Rinisë, Besa Shahini ka publikuar së fundmi një udhëzues të përditësuar për mësimin në kushtet e shtëpis