Moti i keq do të vazhdojë, ja çfarë do të ndodhë në orët në vijim

12/11/2019 - 22:23

Ditën e sotme moti i keq ka përfshirë gjithë vendin, duke shkaktuar probleme në disa akse rrugore, ndërsa ka shkaktuar probleme dhe në shpërndarjen e energjisë elektrike.

Ndërkohë, mësohet se në orët në vijim moti pritet të përkeqësohet, duke rritur edhe më tepër rrezikon e përmbytjeve. Shërbimi Meteorologjik Ushtarak thotë se situata do të jetë e tillë edhe ditën e nesërme.

Parashikimi:

Si pasojë e aktivitetit të një medicane (ciklonë mesdhetar) situata reale mbi vendin tonë paraqitet me reshje shiu të cilat kanë përfshirë të gjithë territorin. Për momentin reshjet e shiut me intensitet mesatar kanë përfshirë qarqet si Lezhë, Shkodër dhe Berat ndërsa në qarqet e tjera reshjet e shiut janë me intensitet të ulët.

Që prej orëve të para të mëngjesit, ashtu sic ishte parashikuar, problematike kryesisht në zonën jugore dhe në bregdet ka qenë era. Intensiteti i erës ka qenë 5-15m/s ndërsa shpejtësia maksimale e regjistruar në stacionet tona ka qenë në qytetin e Durrësit me shpejtësi deri në 30m/s (erë intensive) si dhe në zona të caktuara si zona e Llogara-së apo zonat luginore të vendit.

Për orët në vazhdim pritet një agravim i situatës meteorologjike. Zona e ultësirës perëndimore, si dhe jugperëndimi dhe veriperëndimi do të preken nga reshjet e shiut të vazhdueshme me intensitet mesatar dhe të lartë! Reshjet do të jenë në formën e rrebesheve, breshërit si dhe stuhive shoqëruar me shkarkesa elektrike. Përgjatë orëve të vona të mbrëmjes si dhe orët e para të mëngjesit të datës 13.11.2019 këto reshje prekin edhe zonat malore në lindje të territorit.

Edhe era do të vijoj të jetë problematike dhe intensive me shpejtësi 20-35m/s cka ka sjellë dhe do të vijoj të sjellë det të trazuar me forcë 6-7 ballë dhe lartësi vale 3.5-4.7metër duke u bërë mjaft problematike edhe për lundrimet.

/portali DurresLajm/

Na bëni like në facebook!: 

Lajme nga e njëjta kategori

E marta ishte një nga ditët më të ftohta të kësaj jave, por situata pritet të ndryshojë në ditët në vijim.

Zëdhënësja e Bashkimit Evropian, Ana Pisonero reagon sërish për paketën antishpifje në Shqipëri, duke kërkuar rishqyrtimin e saj.

Një zjarr i madh ka përshirë zonën pyjore në Çardhak të Devollit.

Përfaqësuesit e komisionit të Venecias do të mbërrijnë në Shqipëri më datat 13-14 shkurt.

Në vetëm një vit ekzistencë, Century 21 EON, që operon në Durrës ka arritur rezultate impresionuese.

Urdhëri i dëbimit i nxjerrë nga autoritetet shqiptare ndaj shtetasit turk Harun Çelik, ngre dyshime të forta se atij ju mohua hapur e dre

Të tjera detaje zbulohen rreth arrestimit të 18-vjeçarit, D.M., banues në Durrës i cili akuzohet se ka abuzuar seksualisht me një 16 vjeç

Sot shënohen 9 vite nga vrasja e 4 protestuesve në Bulevardin "Dëshmorët e Kombit" dhe ashtu si në çdo përvjetor, familjarë, të afërm të

Viti 2019 ka shënuar një rritje rekord të temperaturave në të gjithë botën.

Faruk Baybasin, i konsideruar si ‘Escobari’ turk doli sot pranë trupit gjykues në Tiranë në limite të afatit të masës së sigurisë vendosu