Në ditën e parë të shkollës, Prefekti i Qarkut Durrës premton mbështetje të vazhdueshme

16/09/2019 - 15:37

Prefekti i Qarkut Durrës, Roland Nasto e nisi ditën sot me vizitat e urimit për një fillim të mbarë e sa më të frytshëm në rrugën e dijes në dy prej shkollave të mesme të bashkisë Durrës, "Leonik Tomeo" dhe në gjimnazin profesional “Hysen Çela”.

Teksa ka uruar nxënësit, mësuesit dhe prindërit për një fillim sa më të mbarë e të suksesshëm të vitit shkollor, Nasto ju premtoi atyre mbështetje të vazhdueshme duke theksuar se çdo ditë të punës së tij prioritet do të jenë shkollat dhe kushtet e tyre si një nga objektivat kryesor në shërbim të komunitetit.

Gjithashtu ai është shprehur se ndjente kënaqësi që një pjesë e konsiderueshme e nxënësve dhe mësuesve në qarkun tonë këtë vit kanë mundësinë të zhvillojnë mësimin në kushte e standarte të duhura bashkëkohore si pasojë e investimeve të bëra në këtë drejtim nga qeveria dhe Bashkitë.

Sot më datë 16 shtator 2019, 23.828 nxënës janë ulur në bankat e shkollës, në 55 shkollat e sistemit parauniversitar të arsimit publik në bashkinë Durrës. Ndërkohë 1479 gjimnazistë kanë nisur klasën e 10-të, duke hedhur një hap më tej në formimin e tyre të përgjithshëm apo profesional.

Prefektura ka qenë e angazhuar javët e fundit duke ndjekur nga afër në terren e monitoruar të gjitha shkollat për ndërhyrjet e nevojshme në infrastrukturën shkollore dhe pajisjen me bazë materiale me qëllim t’ju sigurojë nxënësve dhe mësuesve kushte sa më të mira për zhvillimin e procesit mësimor.

Gjithashtu Shërbimet e Policisë së shtetit si dhe strukturat e Policisë Bashkiake në zbatim të Planit të Masave të hartuar kanë qenë prezente me shërbimet e tyre pranë shkollave të qytetit për të rritur sigurinë në nisje të vitit të ri shkollor me qëllim normalizimin e trafikut si dhe për të garantuar rendin dhe sigurinë e nxënësve.

/portali DurresLajm/

Na bëni like në facebook!: 

Lajme nga e njëjta kategori

Analisti Fatos Lubonja, i ftuar në studion e lajmeve në News 24, komentoi aktualitetin politik, duke u ndalur tek reforma zgjedhore. Ai t

Forumi për Mbrojtjen e Trashëgimisë Kulturore ka publikuar formimin e personave, të cilët ishin pjesë e grupit të punës, të cilët vendosë

Aleanca për Mbrojtjen e Teatrit i është drejtuar me një letër publike kreut të Partisë Demokratike, Lulzim Basha, ku i kujton kontratën q

Edhe dietologia Blerina Bombaj ka dalë kundër nismës së kryeministrit Edi Ramës për të bërë pa makina të dielat nga tetori deri në mars 2

Sot ka filluar puna për riparimin e bankinave në shëtitoren Taulantia në Durrës.

Policia e Shtetit ka reaguar në lidhje me lajmin se ishte dëmtuar sistemi TIMS.

Sot është Dita Botërore e Fëmijëve të Zhdukur, ndërsa ende nuk dihet fati i shumë prej tyre.

Gazeta franceze "Le Monde" ka shkruar për shembjen e Teatrit Kombëtar në Tiranë. Gazeta e cilëson një akt barbar të qeverisë.