Negociatat/ BE publikon në shkurt rregullat e reja të anëtarësimit

23/01/2020 - 21:33

Është shtyrë për në muajin shkurt publikimi i një metodologjie të re të Komisionit Evropian, e cila ka për qëllim të ndryshojë mënyrën e negociatave të anëtarësimit për vendet aspirante në Bashkimin Europian.

Lajmi është bërë i ditur nga zëdhënësja e Komisionit Evropian Ana Pisonero, e cila shton se metodologjia e re, do ta bëjë më të besueshëm procesin e zgjerimit në BE

“Komisioni është në proces të përfundimit të propozimit dhe ai do të paraqitet në javët e ardhshme. Me metodologjinë e re, ne duam ta bëjmë procesin e zgjerimit më të besueshëm, që do të thotë se nëse njëra palë përmbush detyrimet e saj dhe pala tjetër duhet të bëjë pjesën e vet. Ne duam të kemi një proces që do të jetë i dobishëm për të gjitha palët – si për Ballkanin Perëndimor ashtu edhe për institucionet e BE.

Ndërkohë, Komisioni Evropian këmbëngul që negociatat për Shqipërinë dhe Maqedoninë e Veriut të hapen paralelisht me rregullat e reja.

“Ju e dini që për ne është shumë e rëndësishme që paralelisht me dakordësimin e vendeve anëtare për metodologjinë e re të ndryshuar, ne i qëndrojmë rekomandimit tonë se negociatat e anëtarësimit duhen çelur edhe me Shqipërinë edhe me Maqedoninë e Veriut. E kemi thënë shumë qartë që këto dy vende iu janë përgjigjur kërkesave që iu ishin drejtuar dhe koha është pjekur tashmë që edhe pala e BE-së të mbajë premtimin e dhënë,” theksoi zëdhënësja e KE.

Në mes të muajit shkurt Komisioni do të ndajë me vendet anëtare edhe një vlerësim mbi ecurinë e reformave në Shqipëri dhe Maqedoninë e Veriut gjatë vitit të fundit, me synimin për të arritur drejt një vendimi të Këshillit për dy vendet gjatë samitit evropian të marsit në Bruksel.

/portali DurresLajm/

Na bëni like në facebook!: 

Lajme nga e njëjta kategori

Ashtu siç ishte paralajmëruar më herët, Presidenti Ilir Meta shkoi mesditën e sotme në SPAK për të bërë kallëzim penal ndaj Ministres së

Policia e Shtetit ka reaguar në lidhje 800 kg drog të kapura sot pranë doganës së Qafë-Botës e cila po shkonte drejt Greqisë.

Drejtoresha e Institutit të Shëndetit Publik, Albina Fico deklaroi sot se “në Shqipëri nuk ka raste të konfirmuara me koronavirus”, ndërs

Pasi ministrja e Arsimit Besa Shahini vendosi për heqjen e licensës për shkollë private “Udha e Shkronjave”, ka reaguar kjo e fundit.

Strukturat ligjzbatuese të vendit janë vënë në lëvizje për parandalimin e përhapjes së panikut për koronavirusin.

Katër viktima e dhjetëra të tjerë të prekur në shtetin fqinj në Itali kanë sjellë jo pak alarm te populli në të dy brigjet që lag Adriati

Gjatë mbledhjes me Task Forcës për koronavirusin, ministrja e Shëndetësisë, Ogerta Manastirliu foli edhe për mbylljen e kufijve me shteti

Kreu i departamentit për Pushtetin Vendor në PD-në e Durrësit, Petro Vokopola shkruan në Facebook se ashtu si për tërmetin edhe për epide

Drejtori i Kufirit dhe Migracionit në Policinë e Shtetit Eduart Merkaj, foli në mbledhjen e taskforcës së Ministrisë së Shëndetësisë në l

Ministria e Arsimit ka vendosur t’i heqë licencën shkollës private "Udha e Shkronjave", e cila mbylli dyert për dy javë nga frika e koron