Negociatat, DW: Vetëm deklaratë jo datë e caktuar

18/06/2019 - 12:06

Ministrat e Jashtëm të BE pritet të nxjerrin vetëm një deklaratë për rëndësinë strategjike të Ballkanit për Evropën e nuk do të japin një datë përfundimtare për çeljen e negociatave me Shqipërinë e Maqedoninë e Veriut.

Në mbledhjen e sotme (18.06) të ministrave të vendeve anëtare të BE-së për Punët e Jashtme dhe të Evropës nuk duket se do të merret ndonjë vendim përfundimtar për çeljen e negociatave me Shqipërinë apo Maqedoninë e Veriut, por do të lëshohet një deklaratë apo vendim paraprak që do të tregojë rëndësinë strategjike të Ballkanit për Evropën. Franca, Holanda dhe Danimarka kanë shprehur rezerva, shkruan dpa, por një ndër arsyet e mosmarrjes së vendimit është edhe mungesa e vendimit të Bundestagut gjerman.

Gjermania e merr vendimin në shtator apo tetor

Ministri gjerman i shtetit për Evropën Michael Roth, para takimit tha: "Para një viti u kemi dhënë detyrat e shtëpisë dy vendeve dhe ata i kanë përmbushur. Veç kësaj Maqedonia e Veriut ka arritur të zgjidhë një konflikt 30 vjeçar me Marrëveshjen e Prespës”. "Dhe kjo është e pashembullt dhe duhet shpërblyer”, ka shtuar ai. Roth shtoi se për arsye kohe Gjermania do ta marrë vendimin në shtator ose tetor.  

Ndërsa ministri austriak për Evropën, Alexander Schalenberg tha, se "do të ishte një sinjal shumë i keq, nëse do t'u kthenim shpinën këtyre dy vendeve. Nuk ka rëndësi data e çeljes së negociatave, rëndësi ka që të ndodhë sa më shpejt dhe sot të arrijmë një vendim paraprak”. 

Komentet e ministrit austriak i ka mbështetur edhe deklarata e ministrit të Jashtëm të Italisë, Enzo Moavera, i cili tha se do të merret një vendim paraprak mbi bazën e asaj që është arritur deri tani dhe do të pritet vendimi i Buddestagut pas përfundimit të verës.

George Ciamba, ministri rumun për Evropën, të cilët janë edhe organizatorë të takimit pasi Rumania mban presidencën e radhës në BE sqaroi, se deklarata rreth raporteve të progresit do të jetë: "E angazhuar, konstruktive dhe do të përmbajë balancën dhe rëndësinë strategjike të Ballkanit Perëndimor për Evropën”./DW

/portali DurresLajm/

Na bëni like në facebook!: 

Lajme nga e njëjta kategori

Operatori i Shpërndarjes së Energjisë Elektrike, OSHEE ka raguar pas protestës së sotme në Povelcë të Fierit, e mbështetur edhe nga dega

Detaje të reja janë zbardhur për Noel Dishi, 29-vjeç i cili është shpallur në kërkim për vrasjen e Vilson Tafçiut dy ditë më parë.

Ky ishte një ndër objektivat e Policisë së Shtetit në vitin 2013, që në njëfarë mënyre edhe u arrit, duke reklamuar përballë publikut një

Policia e Tiranës ka zbardhur vrasjen e ndodhur mbrëmjën e të hënës në zonën e Astirit në kryeqytet, ku u ekzekutua 28-vjeçari Vilson Taf

Studentët i janë rikthyer sërish protestave pas më shumë se një viti shkëputjeje.

Tre ditë pas tentativës së grabitjes së çiftit të biznesmenëve në Tiranë policia ende nuk ka asnjë të arrestuar, por dy të dyshuar, që ja

Midhjet që hidhen në treg për konsumim janë pa asnjë kontroll.

Një kryetar Bashkie është kapur duke konsumuar lende narkotike në ambientet e një lokali. Fakti tashmë është i pamohueshëm.

Në Komisionin e Sigurisë sot do të diskutohet për dhënien e amnistisë ndaj të burgosurve.

11 anije të mbytura gjatë veprimeve luftarake në dy luftërat botërore ndodhen në ujrat detare pranë Durrësit, ndërsa numri i përgjithshëm