Nëna "rrëmben" djalin 6 ditë para gjyqit. Zbulohen ku po jetojnë në Durrës. Në kërkim nga autoritetet amerikane

08/11/2019 - 09:10

Një pistë po çon në zbulimin e vendodhjes së 35-vjeçares Mirela Zefit dhe djalit të saj 8-vjeçar të zhdukur prej muajit gusht, gjatë emisionit Pa Gjurmë. Një telefonatë gjatë emisionit ka treguar se Mirela bashkë me djalin e saj janë strehuar përgjatë muajve të verës në një banesë me qira në zonën e njohur si Çezma e Ferrës në Durrës. Ajo tha se nënë e bir tashmë janë larguar nga kjo banesë por vijojnë të jenë në qytetin e Durrësit.

"Ajo gjithë verës unë e kam parë, bashkë me çunin. Ishte me qira. E dëgjoja kur bërtiste. Kishte marrë shtëpinë te Çezma e Ferrës. E kam parë para dy ditësh te muzeu. Ecën para vetë, fëmijën e lë mbrapa. Po të vini të pyesni aty ku ka qenë me qira mund ta gjeni", tregoi dëshmitarja. Ndërsa nga Amerika një një lidhje Skype gjatë emisionit bashkëshorti i Mirelës, Martin Zefi, u shpreh se ajo ka problem dhe nuk është e vetëdijshme për veprimet që bën dhe se djali është larguar me të pa dëshirën e tij.

"Ajo ka një vit e ca që ka pasur probleme. Pati marrë ilaçe. U tremb. Thoshte se doktorët duan ta paralizojnë. Më 19 korrik kam ikur në punë, kemi folur bashkë. Kur erdha te shtëpia nuk e gjeta aty. Aty ma mori mendja se çfarë është problemi i saj. Ajo ka thënë se duan ta mbysin dhe ta helmojnë. Djali ka qenë i sëmurë i dilnin disa puçrra. E ka marrë djalin e ka çuar në spital ka thënë ma kanë helmuar. Ajo ka qëndruar në një apartament me qira.  Kam marrë një avokat, ai më ka thënë merre sille në gjykatë. Ajo e ka marrë djalin e ka ikur", u shpreh Martin Zefi.

2 vite para se të largohej drejt Amerikës ajo kishte shfaqur probleme psikologjike, ndërsa ndaloi së vazhduari kurën që merrte. Ajo nuk dërgonte as në shkollë të birin nga frika e një rrëmbimi, ndërsa sot akuzohet vetë për rrëmbim nga autoritetet Amerikane, raporton "Report tv".

Mirela kujdesej për të birin, ndërsa bashkëshorti Martini punonte në ndërtim. Më shumë se një dekadë bashkë, jeta e tyre ndryshoi në 360 gradë. Pas një jete të ndërtuar në Amerikan e largët, Mirela vendos të marrë djalin dhe të largohen. Në momentin që asaj i erdhi lajmërimi nga gjykata për t’u paraqitur më datë 22 gusht lidhur me kujdestarinë që kishte kërkuar bashkëshorti ndaj fëmijës, ajo largohet pa gjurmë, më datë 16 gusht të këtij viti, një javë para zhvillimit të kësaj seance.

/portali DurresLajm/

Na bëni like në facebook!: 

Lajme nga e njëjta kategori

Në Tiranë, sot, u zhvillua protesta paqësore “Për Fëmijërinë e Vjedhur”, e nxitur nga rasti i fundit i abuzimit të 15-vjeçares në Babrru

Katër ditë pasi doli nga spitali zhduket për herë të dytë gardisti Ervin Dërguti.

Mijëra qytetarë në Tiranë kanë marshuar në bulevardin “Dëshmorët e Kombit” drejt sheshit “Nënë Tereza” pas lajmit që ka tronditur opinion

Dy pronarët e hoteleve në Rrogozhinë që kishin ngritur një rrjet prostitucioni janë lënë në burg. Gjykata e Kavajës ka vendosur

 “Unë zgjedh të jetoj e sigurtë”, “Në vend që t’i mësoni djemtë të mos përdhunojnë, mësojini të respektojnë”, “Nuk luhet përdhunimesh

Shembja e pallatit 6 katësh me tritol la pas dëme të konsiderueshme në bizneset pranë objektit në bulevardin e Durrësit.

Struktura e Posaçme kundër Korrupsionit dhe Krimit të Organizuar, SPAK, ka rrëzuar Policinë e Shtetit për 48 pasuri për të cilat është kë

Ky është momenti i shpërthimit të pallatit të VIP-ave në bulevardin e Durrësit, i cili në një sekondë përfshihet i gjithi në flakë përpar

Shembja e pallatit 6 katësh me tritol la pas dëme te bizneset në bulevardin e Durrësit.