Nënkryetari i bashkisë Durrës kapet 'mat': “E mbyllëm historinë me ju. S’kemi as nerva, as qejf, që të ashtu…” (VIDEO)

22/02/2019 - 21:32

Në mesin e Janarit emisioni “Stop” trajtoi rastin e tenderit të autobusëve në bashkinë e Durrësit. Bashkia kishte skualifikuar pa të drejtë kompaninë “Vata trans”, ndërsa Gjykata Administrative Durrës në 5 shkurt kërkoi rishikim të procedurës së tenderit.

Pas rastit të publikuar në emisionin “Stop” për sa i përket tenderit të linjës së autobusëve Manëz-Durrës-Manëz, Gjykata Administrative e Shkallës së Parë Durrës më datë 5 Shkurt 2019  del me këtë vendim: I pranon pjesërisht kërkesë-padinë shoqërisë “Vata Trans” si dhe detyron palën e paditur, bashkinë Durrës të rishikojë konkursin e hapur për kryerjen e shërbimeve të rregullta të transportit në linjën Manëz-Durrës-Manëz.

Klodian Vata thotë për mikrofonin e Tv Klan se për të dhe për familjen e tij ky është një lajm shumë i madh, shumë i gëzueshëm. “Që pas ndërhyrjes së emisionit “Stop” gjithçka po merr rrugën e duhur. Gjatë kësaj kohe, sipas verifikimeve të mija, Nënkryetari i Bashkisë, Zhulien Varfaj, i cili ka qenë edhe anëtar i komisionit vlerësues në tenderin me datë 27.9.2018 ka bërë shumë shkelje, duke ndryshuar licencën e linjës Manëz-Durrës-Manëz, duke firmosur në vend të kryetarit të bashkisë dhe duke certifikuar një mjet, i cili nuk ka qenë i futur në tender. Për mjetin me targë 583 TP. Megjithatë unë pata një ballafaqim me nënkryetarin e komisionit, i cili ka edhe postin e nënkryetarit të Bashkisë Durrës, Varfaj, i cili më thotë: ne e kemi mbyllur këtë pjesë, ti mund të presësh edhe 20 vjet, mund të bëhesh edhe me mjekër, për më tepër shikoni videon në fund:”

Nënkryetari Zhulien Varfaj – E mbyllëm neve historinë me juve. S’kemi as nerva, as qejf, që të ashtu…

Qytetari – Ore zotëri, ti dakord s’ke nerva, po unë kam ja 2 vjet që po pres.

Nënkryetari Zhulien Varfaj – Atëherë, mund të presësh edhe 22 vjet, mund të bëhesh edhe me mjekër edhe pastaj kjo pjesa është e jona!

Klodian Vata falënderon emisionin “Stop” dhe i bën thirrje Gjykatës Administrative të Apelit Tiranë të marrë vendimin e drejtë nëse Bashkia e Durrësit apelon çështjen.

Unë e falënderoj shumë “Stop”-in për këtë vendim që ka marrë gjykata, por kjo nuk është zgjidhje përfundimtare për mua. Nëse Bashkia Durrës e ankimon këtë vendim të marrë nga Gjykata administrative e shkallës së parë Durrës, vendimi do të shkojë në Gjykatën administrative të Apelit Tiranë. I bëj thirrje Gjykatës Administrative të Apelit Tiranë të mbajë qëndrimin e duhur dhe të vendosë vetëm të drejtën./tvklan.al

 

/portali DurresLajm/

Video: 
Na bëni like në facebook!: 

Lajme nga e njëjta kategori

Mjeku pneumolog Arjan Mezini tha se rritja e rasteve me COVID në Shqipëri është më e madhe nga sa ai kishte parashikuar se do të ndodhte

Struktura e Posaçme Kundër Korrupsionit dhe Krimit të Organizuar ka vendosur sekuestrimin e pasurisë së 5 shqiptarëve që po hetohen në Ho

Shoqata e Transportit publik nis punën të hënën, pas kërcënimeve që kryebashkiaku Erion Veliaj u bëri atyre se "nëse nuk nisin punën do i

Ministrja e Shëndetësisë dhe Mbrojtjes Sociale Ogerta Manastirliu, ka deklaruar se Task- Forca anti-COVID do të vijojë intensifikimin e k

Ministria e Shëndetësisë raportoi sot se gjatë 24 orëve të fundit janë regjistruar në vend 67 raste të reja të infektuar me koronavirus.

Finalizohet operacioni policor i koduar "Stadiumi", i zhvilluar në kushte të larta sigurie nga forcat operacionale të DVP Durrës, në bash

48 orë nga marrja e tamponëve të punonjësve të ISHSH Durrës dhe AKU Durrës, ende nuk kanë ardhur përgjigjet.

Fundjava dhe nisja e pushimeve ka bërë që në pikën doganore të Morinës të ketë një fluks të madh automjetesh nga Kosova që hyjnë në Shqip

Sipas MeteoAlb, pjesa e parë e ditës do të jetë me alternime kthjellimesh dhe vranësirash kalimtare.

Kolegji i Posaçëm i Apelimit (KPA) ka lënë në fuqi vendimin e KP për prokurorin Artan Bajrami, duke vendosur shkarkimin e tij nga detyra.