“Një rast i dyshuar me koronavirus në Shqipëri?”/ Drejtoresha e ISHP: Gjasat janë negative, nuk e them pa e parë me sy letrën

24/02/2020 - 11:57

Drejtoresha e Institutit të Shëndetit Publik, Albina Fico deklaroi sot se “në Shqipëri nuk ka raste të konfirmuara me koronavirus”, ndërsa duke u ndalur te masat u shpreh se “në mënyrë aktive kemi rritur survejancën dhe mbikëqyrjen”.

Në mbledhjen e Task Forcës kundër koronavirusit që u mblodh sot, Fico u shpreh se në laboratorin e ISHP-së, aktualisht pritet përgjigjja e analizës për një rast të dyshuar me koronavirus, për të cilin ajo tha se, “është thuajse e sigurt që është negativ”.

“Praktikisht kemi vetëm 1 rast që është duke u procesuar, gjasat janë negativ, por pa e parë me sy letrën negativ, nuk do e them”, u shpreh Fico.

Kryerja e analizës, sipas saj, “vjen pas dyshimeve se një qytetar mund të jetë infektuar, pasi mund të ketë shfaqur simptoma të ngjashme me të koronavirusit.” Pas konsultimeve dhe trajtimit nga stafi mjekësor i trajnuar dhe specializuar, është marrë vendimi që këtij pacienti t’i bëhen analizat, edhe pse janë thuajse zero mundësitë që ai të dalë pozitiv”, tha Fico.

E pyetur nëse ISHP ka mjaftueshëm kite për kryerjen e analizave për zbulimin e kronavirusit, Fico tha se “vetë ISHP ka bërë blerje të këtij mjeti të nevojshëm për zbulueshmërinë e koronavirusit, por duke qenë një institut që bashkëpunon me institucione ndërkombëtare, kanë ardhur kite edhe nga “MediLabSecure”, dhe priten furnizime të tjera nga jashtë”.

“Ne testojmë të gjitha rastet e dyshuara. Ata duhet të telefonojnë në Urgjencën Kombëtare. Numri i rasteve të dyshuara pranë ISHP është 6 dhe të gjitha kanë rezultuar negative”, deklaroi ajo.

Fico tha se risku për Shqipërinë është i ulët dhe fakti që koronavirusi ka prekur Italinë fqinje nuk e rrit riskun në vendin tonë.

“Kemi numrin e duhur të kiteve dhe të reagentëve për të bërë analizat në laboratorët e ISHP-së. Risku për Shqipërinë është i ulët. Fakti që është në Itali, nuk e ndryshon nivelin e riskut brenda në Shqipëri. Alerti është parapërgatitje e mirëmenduar nëse do të kemi disa zhvillime të reja. Ne vijojmë të kemi risk të ulët, nuk kemi rast të konfirmuar”, tha drejtoresha e ISHP-së.

/portali DurresLajm/

Na bëni like në facebook!: 

Lajme nga e njëjta kategori

Krimet e Rënda, që kryen arrestimin e Klaudio Hoxhalliut, në datën 5 mars 2019 shpallën moskompetencë për të hetuar Hoxhalliun dhe Denis

Ditën e djeshme ka ardhur në vendin tonë një sasi kitesh testuese të dhuruar nga Fondacioni “Mammoth” dhe të zhvilluar nga kompania kinez

Ambasada e Shteteve të Bashkuara të Amerikës njofton se USAID po ndihmon Shqipërinë për furnizimin e laboratorëve me pajisje testimi, për

Në një njoftim për mediat, minstrja e Shëndetësisë, Ogerta Manastirliu ka bërë me dije listën e subjekteve që do të qëndrojnë të mbyllura

Deputetja e Partisë Socialiste për qarkun e Fierit, Antoneta Dhima ka njoftuar se djali i saj e ka fituar betejen me koronavirusin.

Këtë të mërkurë, efektivë të Forcës Detare janë shfaqur në rrugët e Durrësit për të monitoruar lëvizjen e qytetarëve, garantuar rendin dh

Disa zona të vendit janë zbardhur ditën e sotme nga dëbora dhe për pasojë janë krijuar vështirësi në qarkullim për disa akse.

Bizneset që mbajnë hapur dyert e tyre në kohën e koronavirusit janë më të kujdesshmet për të ruajtur shëndetin e punonjësve të tyre.

Ministria e Shëndetësisë ka publikuar sot urdhrat e rinj për lejimin e hapjes së aktiviteteve publike dhe jo publike, ku përfshihen lokal

Maskat janë një nga produktet më të shitura që prej shfaqjes së pandemisë pasi konsiderohen një masë mbrojtëse efikase për parandalimin e