“Nuk do lejojmë të fillojnë punimet” Thirret protesta e radhës te teatri

22/05/2020 - 19:30

Aleanca për Mbrojtjen e Teatrit Kombëtar ka thirrur sot një tjetër protestë në orën 19:30.

Në një njoftim në Facebook, ata shkruajnë se trualli i teatrit po rrethohet për të nisur punimet për ndërtimin e godinës së re.

“Vepra u krye dhe sot kanë filluar të mbulojnë skenën e krimit duke rrethuar pronën e Teatrit Kombëtar! Nuk do të lejojmë të fillojnë punimet! Duam Drejtësi për shkatërrimin e Teatrit dhe dhunimin e demokracisë!”- shkruan Aleanca duke postuar edhe njoftimin për protestën në hyrje të pedonales në orën 19:30.

Në orët e para të mëngjesit të 17 majit, IKMT me urdhër të Bashkisë së Tiranës ka bërë shembjen e godinës së Teatrit Kombëtar. Kjo ka nxitur një valë protestash nga Aleanca për Mbrojtjen e Teatrit të mbështetur nga opozita e bashkuar dhe një pjesë e shoqërisë civile.

Nga ana e Bashkisë ndërkohë është pohuar se nuk ka ende një projekt përfundimtar për godinën e re të Teatrit Kombëtar.

Kjo është protesta e tretë që Aleanca për Mbrojtjen e Teatrit thërret brenda kësaj jave pas asaj të ditës së hënë dhe të mërkurë.

/portali DurresLajm/

Na bëni like në facebook!: 

Lajme nga e njëjta kategori

Është ndarë nga jeta ditën e sotme detari Kostandin Lepri, një mjeshtër i njohur i Kantierit Detar.

Dritan Dajti ka rezultuar pozitiv me COVID-19 është transportuar me urgjencë nga burgu i Bradasheshit në ambientet e spitalit të burgut t

3800 familje të mbetura pa shtëpi nga tërmeti i 26 nëntorit 2019 ende nuk kanë marrë bonusin e qirasë për muajin janar.

Ditën e enjte, në mbledhjen e Këshillit Bashkiak Durrës pritet të miratohet pika 7 e rendit të ditës, që lidhet me privatizimin e shërbim

Mesditën e së enjtes do të zhvillohet me mjetet e kominikimit elektronik mbledhja e radhës e Këshillit Bashkiak Durrës.

Ditën e sotme, Gjykata Kushtetuese ka dhënë vendimin e parë pas tre vitesh mungesë. Kushtetuesja vendosi rrëzimin e kërkesës së gjyqtarëv

Ministria e Shëndetësisë dhe Mbrojtjes Sociale ju bën apel qytetarëve të mos e ulin vigjilencën dhe të vijojnë të zbatojnë rregullat anti

Policia e Tiranës është duke vijuar punën me qëllim parandalimin e aksidenteve rrugore.

Një tërmet ka lëkundur ditën e sotme Shqipërinë.