OSBE "shuplakë" qeverisë për ligjin e medias: AMA nuk mund të vërë gjoba ose të bllokojë

11/07/2019 - 18:24

Përfaqësuesi i OSBE-së për Lirinë e Medias, Harlem Désir, ka publikuar një analizë për shqyrtimin e Projektligjit për Shërbimin e Medias në Shqipëri.

Désir shprehet se AMA nuk mund të vendosë gjoba apo bllokime, sepse nuk mund të jetë zëvendësuese e sistemit gjyqësor.

"Kjo masë mund të merret vetëm në raste shkeljesh të rënda. AMA nuk duhet të bllokojë përmbajtjet e publikuara. Është e nevojshme të plotësohen standartet europiane", thuhet ndër të tjera në deklaratë.

Përfaqësuesi Désir gjithashtu tregoi se "duhet të krijohet një mekanizëm i duhur i apelimit dhe rishikimit përpara gjyqësorit si mbrojtje për botuesit dhe qytetarët. Në rrethana të tjera, masat e tilla duhet të trajtohen nga sistemi i drejtësisë penale. Kompetencat e AMA nuk duhet të shtrihen në trajtimin e çështjeve të tilla si shpifja".

Désir vuri në dukje se kompetencat e AMA lidhur me “bllokimin e përkohshëm / kufizimin e aksesit në internet” mund të zbatohen vetëm në tre rastet e qarta të përcaktuara në ligj: pornografia e fëmijëve; inkurajimin e akteve terroriste; dhe shkeljet e sigurisë kombëtare dhe kur masat e tilla konsiderohen si të nevojshme dhe proporcionale, duke marrë parasysh ekzistencën e një rreziku të afërt.

"Zyra ime është e gatshme të vazhdojë të japë ndihmë për këtë ligj të rëndësishëm. Është me rëndësi të madhe që procesi i konsultimit publik të jetë i hapur dhe gjithëpërfshirës për të gjithë profesionistët e medias, organizatat e gazetarëve dhe aktorët e tjerë relevantë vendas dhe ndërkombëtarë të medias", përfundoi përfaqësuesi i OSBE-së, Harlem Désir.

Raportin e plotë e gjeni këtu: https://www.osce.org/representative-on-freedom-of-media/425462

/portali DurresLajm/

Na bëni like në facebook!: 

Lajme nga e njëjta kategori

Autoriteti Kombëtar i Ushqimit në vijim të kontrolleve rigoroze në të gjitha subjektet që prodhojnë, përpunojnë dhe tregtojnë produkte us

Një milion karta identiteti dhe pasaporta qytetarësh pritet të skadojnë në fund të këtij viti.

Pas prishjes së ndërtesës katër katëshe, pranë stadiumit të ri "Arena Kombëtare", radhën e pati një ndërtesë në Kashar për t'i hapur rrug

Në Shqipëri shumica socialiste ka nisur procedurat për shkarkimin e anëtarit të Këshillit Mbikqyrës të Bankës së Shqipërisë Arben Malaj p

Këshilli i Lartë i Prokurorisë ka përzgjedhur 15 emrat e prokurorëve, të cilët do të vijojnë garën për t’u bërë pjesë e Prokurorisë së Po

 Kanë kaluar dy ditë pas ngjarjes së ndodhur në kanionin e Holtës, ku humbi jetën 26-vjecarja, Desantila Sollaku, nga prurjet e fuqishme

Tjetër aksident me pasojë vdekjen është regjistruar mëngjesin e kësaj të marte.

Kthjellime dhe vranësira të shpeshta mbizotërojnë deri në mesditë, kur vranësirat zhvillohen duke sjellë rrebeshe shiu në qendër dhe jug,

Akademiku i njohur, Artan Fuga, ka dhënë alarmin se Shqipëria po shkon drejt çmendurisë, pasi sipas tij, politika po masakron shkencën.