Paralajmërohet një tjetër aksion për lirimin e hapësirave publike në Durrës (VIDEO)

17/09/2019 - 12:42

Inspektoriati i Mbrojtjes së Territorit Durrës po planifikon një aksion tjetër për lirimin e hapësirave publike në qytet.

Këtë herë fokusi i IMT-së është përqendruar te dy lulishtet në krah të Muzeut të Dëshmorëve dhe te lulishtja në hyrje të Durrësit, në lagjen nr.17, të zëna nga dhjetëra lokale prej vitesh.

Pak ditë më parë, tek 40 lokalet që funksionojnë në këto zona është dërguar një njoftim zyrtar, ku i kërkohet pronarëve të këtyre subjekteve, që deri më datë 20 të dorëzojnë pranë këtij inspektoriati të gjithë dokumentacionin përkatës.

Kreu i IMT-së, Ardian Halili, bën të ditur për DurrësLajm se gjatë këtyre ditëve ata po presin nga pronarët e lokaleve dokumentet që faktojnë lejen për zënien e hapësirave publike. Nëse një dokumentacion i tillë nuk disponohet prej tyre apo nuk dorëzohet pranë inspektoriatit brenda afatit 10-ditor të parashikuar me ligj, më pas do të planifikohet ndërhyrja për lirimin e hapësirave publike, të zëna në mënyrë të paligjshme.

Afati i fundit për dorëzimin e dokumentacionit është data 21 shtator, ora 09.00. Pas kësaj faze, Inspektoriati do të planifikojë në një datë tjetër ndërhyrjen në terren në të dy zonat, ku ka një përqendrim të madh lokalesh. Kujtojmë se tek lulishtja në hyrje të Durrësit është ndërhyrë pak vite më parë për lirimin e saj nga ndërhyrjet abuzive të pronarëve të lokaleve, por pak javë pas aksionit hapësirat publike janë zënë sërish.

Aksionet e IMT-së gjatë muajit shtator janë në vazhdën e ndërhyrjeve që bashkia e Durrësit me institucionet në varësi po kryen për lirimin e të gjitha hapësirave publike të zëna në mënyrë të paligjshme.

Kreu i IMT-së Durrës thekson se aksioni për heqjen e 70 kioskave në të gjithë Durrësin është drejt fazës së përmbylljes dhe më datë 20 shtator është planifikuar një tjetër ndërhyrje tek Pallati i Sportit “Ramazan Njala” dhe tek Muzeu i Dëshmorëve. Në përfundim të aksionit, nuk do të ketë më asnjë kioskë të ngritur pa leje në qytetin bregdetar.

M.B.

/portali DurresLajm/

Video: 
Na bëni like në facebook!: 

Lajme nga e njëjta kategori

22 të arrestuar, janë ndaluar 3 shtetas të shpallur në kërkim, janë proceduar penalisht 7 shtetas, si dhe janë shpallur në kërkim 4 shtet

Një vit mbas tërmetit të 21 shtatorit ka përfunduar në bashkinë e Durrësit rindërtimi i banesave individuale të shkatërruara nga ky tërme

Një djalë i ri nga Shkallnuri i Durrësit i ka dhënë fund jetës sot duke u vetëvarur në banesë.

Sipas MeteoAlb, deri në orët e mesditës vendi ynë do të jetë me kthjellime dhe vranësira të lehta.

Të hënën mbushet plot një vit nga tërmeti me magnitudë 5.8 Rihter, i cili shkaktoi në Durrës dëme materiale që në atë kohë u vlerësuan në

Java e ardhshme pritet të sjelljë ulje temperaturash në të gjithë territorin në të dyja ekstremet.

Inspektorati Kombëtar i Mbrojtjes së Territorit ka kryer sot për herë të parë një procedurë për shembjen e një godinë 13 katëshe në Durrë

Shpërthimet e forta të komanduara, të regjistruara rreth orës 16.30, shembën muret e brendshme të pallatit 13 katësh në lagjen nr.17 në D

Shpërthime të njëpasnjëshme janë ndjerë në të gjithë Durrësin vetëm pak minuta më parë.

Ministria e Shëndetësisë ka përditësuar të dhënat e Covid-19 në vend.