"Pasuritë e sekuestruara pa bazë ligjore", avokati i Ylli Ndroqit: RTV Ora u ble e gjitha me kredi, do të apelojmë

05/08/2020 - 15:58

Alban Qafa, avokati i biznesmenit, njëherësh pronarit të RTV ORA, Ylli Ndroqi në një konferencë për mediat deklaroi sot se disa nga 26 pasuritë e paluajtshme të klientit të tij, të sekuestruara nga SPAK nuk janë në pronësi të tij, ndërsa disa të tjera janë sekuestruar padrejtësisht.

Qafa tha se do të apelojnë vendimin e marrë nga Gjykata e Shkallës së Parë të SPAK, pasi për disa prej pronave nuk janë plotësuar kushtet për sekuestro si dhe ka parregullsi ligjore. 

"Ju bëjmë ne dije se do bëjmë ankimim ndaj vendimit në SPAK. Vendimi ka një sërë parregullsisë ligjore dhe proceduriale, nga nxitimi për të mbyllur këtë akuzë. Është vendosur sekuestro me mbi 26 pasuri. Gjykata ka ndërmarrë një vendim të nxituar, nuk janë plotësuarkushtet për sekuestro dhe ka parregullsi ligjore. I janë sekuestruar tre toka që i ka përfituar nga çelja e pasurisë së babait të tij, pra i ka përfituar me ligjin 7501. Ja ku është vendimi i komisionit të ndarjes së pronave",- tregoi avokati.

Ai tha se padrejtësisht është sekuestruar edhe një apartament te “Qemal Stafa” që Ndroqi e ka përfituar nga privatizimi në vitin 1992, ndërsa pikërisht aty ka jetuar deri në vitin 1993. Po ashtu, Qafa tha se edhe RTV Ora u ble në 2007 dhe me kredi nga një bankë e Nivelit të Dytë.

"Nga ana e SPAK më 21 korrik 2020 u regjistrua procedimi penal dhe 7 ditë më pas, më 28 korrik u regjistrua kërkesa e prokurorisë për vendosjen e sekuestros. Dokumenti është marrë në shqyrtim në maj, ndërkohë që kërkesa e organit të akuzës është depozituar në korrik. Kjo tregon nxitimin si të prokurorisë dhe të gjykatës për këtë vendim. Është vënë sekuestro mbi 26 pasuri të një biznesi mbi 29-vjeçar. Ngrihet pyetja si është e mundur që brenda 7 ditësh nga regjistrimi i procedimit penal, u gjetën indicie sipas pretendimeve të arsyeshme për të shkuar drejt sekuestrimit të pasurive të z.Ylli Ndoqi. Vetëm një ditë më pas, policia e shteti ka nxituar që të deklarojë se hetimet kanë zgjatur 18 muaj nën drejtim e prokurorëve të SPAK. Para 8 muajsh prokurorët e SPAK janë betuar para presidentit në dhjetor të vitit 2019. Si mund të zhvillojë SPAK një hetim kur nuk ka ekzistuar? Sipas ligjit është sanksionuar se hetimet drejtohen nga prokuroria. Duhet të ishte prokurori ai që përmes policisë gjyqësore të ndërmerrte veprimet e nevojshme ndaj personave të sipërpërmendur. Në deklaratën e policisë janë kryer hetime mbi 17 muaj pa ju referuar prokurorit. Këto hetime pa dijeninë e prokurorit janë hetime të paligjshme nga policia. Nuk ka asnjë indicie se këto pasuri ishin në gjendje rreziku apo nga ndonjë organizatë kriminale. Transmetimet e RTV Ora dhe Ora News kanë qenë në krah të qytetarëve. Ndërsa sa i përket pronave që kërkohet të sekuestrohen, një pjesë nga ato nuk janë të Ylli Ndroqit. Edhe ato që janë në pronësi të tij, janë krijuar me burime te ligjshme. Më datë 3 korrik SPAK sekuestroi pasuritë e Ylli Ndroqit, mes tyre edhe televizionet Ora News dhe RTV Ora. Ndërkohë që ndërhyrja në ambiente e televizoneve u bë nga forcat RENEA me armë dhe maska. Sekuestrimi i RTV Ora është i padrejtë, pasi ia ka blerë shtetases Ilda Prifti me 25 mln lekë të reja, kapitali fillestar është marrë me kredi në një Bankë të Nivelit të Dytë. Edhe një mjet Mercedes Benz i sekuestruar është i blerë i gjithi me kredi. Po ashtu janë me vendim gjykata tre automjete, të sekuestruara, por të tre nuk ekzistojnë, nuk e  di ku i ka gjetur SPAK, edhe një apartament në Durrës nuk ekziston, nuk e di ku e kanë gjetur",- tha avokati.

/portali DurresLajm/

Na bëni like në facebook!: 

Lajme nga e njëjta kategori

Ministria e Shëndetësisë deklaroi sot janë kryer mbi 1000 testime dhe kanë rezultuar pozitivë me COVID-19 157 qytetarë teksa ka humbur be

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020.

Një tjetër pallat i dëmtuar rëndë nga tërmeti i 26 nëntorit u shemb sot në Durrës.

Greqia ka rinovuar deri në 12 tetor masat kufizuese me Shqipërinë, Maqedoninë e Veriut dhe Turqinë.

Artan Broci, avokati i zv.drejtorit të OFL-së, Artan Shkëmbi thotë se do të apelojë vendimin e pezullimit të klientit të tij nga detyra.

Operatori i Shpërndarjes së Energjisë Elektrike ka bërë me dije se gjatë ditës së sotme disa zona në Durrës do të kenë shkëputje të energ

Gjyqtarja Mimoza Margjeka është paraqitur pak më parë në ambientet e Gjykatës së Posaçme të Apelit për të apeluar vendimin e shkallës së

Këshilli i Ministrave ka vendosur në mbledhjen e djeshme të punësojë 1 mijë mësues shtesë, për shkak të situatës së krijuar nga Covid-19

Këtë të enjte territori shqiptar do të mbizotërohet nga kthjellime dhe vranësira të lehta deri në mesditë, të cilat më të dukshme do të j

Komisioni i Pavarur i Apelimit ka shkarkuar nga detyra kreun e Prokurosisë së Durrësit, Ferdinand Elezi.