Përmbytja e Durrësit/ Vangjush Dako tregon arsyet dhe shpjegon situatën

Postuar: 20/03/2018 - 22:33

   Mbrëmjen e sotme në emisionin “Studio e Hapur” ne News24 po diskutohet rreth përmbytjeve që kanë pushtuar vendin gjatë këtyre ditëve. Reshjet e shumta, me intensitet të lartë dhe pa ndaluar kanë sjellë problem të rënda në disa qarqe të vendit. Lidhur me këtë çështje, në një prononcim për “Studio e Hapur” ka reaguar edhe kreu i Bashkisë së Durrësit, Vangjush Dako.

I pyetur se pse përmbytet Durrësi, Dako tha se nëse vazhdojnë reshjet e shumta dhe me intensitet të lartë në Durrës do të krijohet sërisht një gjendje e rënduar. Dako tha se Durresi është qytet nën nivelin e detit dhe gjithë shkarkimet behen në det. Sipas tij kur deti është i fryrë dhe ka dallgë, tubacionet që shkarkohen në det janë poshtë atij niveli dhe i gjithë uji kthehet mbrapsht dhe qyteti përmbytet.

“Unë garantoj që në këto momente që ne flasim situata është totalisht e qetë, por ne jemi në gadishmëri të plotë sepse kemi të dhëna që natën do të ketë përsëri reshje gjatë natës, ndaj për të përballuar këto reshje do jemi prap në gadishmëri, por nuk mund të zgjidhim përfundimisht këtë situatë.

Shpresojmë që reshjet të jenë sa më të ulëta që të mos ketë përmbytje. Në rast se reshjet do të jenë si ato të djeshmet përsëri do të kemi një situatë të rënduar. Kjo situatë nuk është në dorën e kryetarit, është një situatë e cila për fat të keq e ka qyteti i Durrësit, pasi është një qytet nën nivelin e detit dhe ne të gjitha shkarkimet i bëjmë në det dhe në momentin kur deti është i fryrë është me erë dhe ka dallgë, tubacionet që shkarkojnë në det janë poshtë atij niveli dhe i gjithë uji kthehet mbrapsht dhe qyteti përmbytet. Nga ana tjetër edhe në zonën perëndimore të shtetit, në zonën e Durrësit të Ri dhe ish-kënetës janë gjithë kanalet që çojnë tubacionet dhe kolektorët në hidrovor.

Me stacionet e pompimit që kemi, me ato kapacitete që kemi ne mund të përballojmë vetëm një sasi të caktuar, por jo për ta hequr ujin totalisht.

Duhen 24 orë që niveli ujit në hidrovor të bjeri në vlerat normale. Duhen investime shumë të mëdha për atë hidrovor pasi është i trashëguar dhe është ndërtuar që në vitin 1968. Ka pasur rimonet të herëpashershme, por ka nevojë për stacione pompimi më të fuqishme. Shirat që ranë ditën e djeshme ishin të një sasie shumë të madhe dhe të papërballueshme për kapacitetet që ne kemi. Shpresojmë të mos kemi më shira të atij niveli që të mos kemi përmbytje. Dua të theksoj që shirat jo vetëm që zgjatën 4 orë papushim,por kishin edhe një intensitet shumë të madh”- deklaroi Dako.

/portali DurresLajm/

Na bëni like në facebook!: 

Lajme nga e njëjta kategori

   Numri i shtetasve të huaj qe vizituan Shqipërinë ka pësuar një rritje të fortë dyshifrore gjatë muajit gusht, çka premton për një shti

   Autoriteti Kombëtar i Ushqimit ka reaguar menjëherë pas denoncimit nga emisioni investigativ “Fiks Fare” se dy inspektorë të AKU-së ka

   Një video e publikuar sot në Fiks Fare tregoi me zë dhe figurë dy inspektorë të vetëprezantuar si punonjës të Autoritetit Kombëtar të

   Në Shqipëri, ambasada amerikane në përgjigje të interesimit të Zërit të Amerikës për situatën e krijuar në Prokurorinë e Krimeve të Rë

   Punonjësit e ndërrmarrjes së Gjelbërimit në Durrës kanë tre ditë që po punojnë në këtë shesh.

I ftuar në emisionin “KAPITAL” në Vizion Plus, ndër të tjera gazetari Artan Hoxha shpreh shqetësim se përse opozit

Policia ka ushtruar kontrolle të befasishme në Laç dhe Lezhë, pasi dyshohet se në këto dy qytete fshihen anëtarë të bandës “Bajri”.

Një shekull pasi 2700 pasagjerë të anijes Austro-Hungareze "Linz" u mbytën në brigjet e Durrësit gjatë Luftës së dytë Botërore, janë përk

Drejtori i Autoritetit Rrugor Shqiptar Afrim Qendro inspektoi sot fillimin e punës për eleminimin e rrëshqitjes së ndodhur në segmentin q

Mbi 1 mijë ushtarakë shqiptarë dhe britanikë zbresin paraditen e sotme në sheshin “Nënë Tereza” në kuadër të stërvitjes më të madhe të vi