"Po jetoj për së dyti, kjo rrugë po na ha kokën". I riu nga Durrësi i shpëton aksidentit në autostradë (FOTO)

21/02/2018 - 18:10

   Degradimi i autostradës Tiranë - Durrës shkakton aksidentin e rradhës. Një automjet tip Audi, i drejtuar nga një i ri nga Durrësi, ka dalë nga rruga, pasditen e së martës dhe ka përfunduar në kanal për shkak të një grope në asfalt.

Drejtuesi i mjetit, shtetasi E.B. ka dërguar në redaksinë e DurrësLajm fotot e aksidentit, ku siç shihet automjeti është dëmtuar shumë në pjesën e përparme, po fatmirësisht dy të rinjtë që ndodheshin në të nuk janë lënduar.

“Isha ne rrugen Tirane - Durres duke udhetuar. Sa lash Voren afer Gerdecit kishte shum gropa me pellgje. Nuk dukeshin nga shiu dhe une nuk mund te rrija dot me krahun e parakalimit, sepse vinin makina me shum shpejtesi. Me ra goma tek gropa dhe ne ate moment u ndez esp e makines dhe rreshkiti, iku ekulibri. Preka kamjonin dhe makina u demtua. Nga rruga rash ne kanal”,- shkruan i riu nga Durrësi.

“Unë po jetoj për së dyti”,-vijon më tej ai duke vënë theksin tek rrezikshmëria që paraqet tashmë ky segment mjaft i rëndësishëm rrugor. Në ditë me shi, situata bëhet edhe më e vështirë për drejtuesit e mjeteve, sepse asfalti i lagur nga njëra anë dhe gropat e gungat në asfaltin e arnuar i vënë drejtuesit e mjeteve para një sfide të rrezikshme.

Edhe sikur të jesh pilot i Formula 1, autostrada Tiranë – Durrës mund të të marrë jetën nga momenti në moment nëse nuk tregohesh i vëmendshëm në timon.

Një ditë më parë, DurrësLajm publikoi një video ku dukeshin 6 automjete të mbetura në autostradë për shkak të çarjes së gomave. Ndërsa pak ditë më parë publikuam një shkrim të zgjeruar që dokumentonte përmes fotove degradimin e këtij aksi, që vetëm emrin autostradë nuk mund të mbajë.

Edhe sa automjete të tjera duhet të aksidentohen apo sa jetë njerëzish duhet të vazhdojnë të vihen në rrezik derisa ky segment t’i nënshtrohet një rikonstruksioni të plotë?

Arnimet e herë pas hershme e kanë bërë tashmë këtë aks të rrezikshëm, ndërsa gropat e thella të krijuara përgjatë gjithë gjatësisë së autostradës të sjellin ndërmend rrugët e fshatrave, të lëna pas dore për një kohë shumë të gjatë.

Aksidentet e shpeshta të kohëve të fundit dhe dëmtimet e automjeteve duhet të tingëllojnë si një këmbanë alarmi për veshin e autoriteteve. Nevojitet një reagim i shpejtë dhe efikas, në të kundërt mund të jetë vonë për çdo person që mund të humbë jetën për shkak të rrugës së degraduar…

/portali DurresLajm/

Na bëni like në facebook!: 

Lajme nga e njëjta kategori

Deputeti demokrat Agron Shehaj ka reaguar pas kërcënimeve me jetë në adresë të gazetarit Ylli Rakipi.

Studentët nuk tërhiqen nga protesta e tyre deri në plotësimin e 8 pikave të vendosura prej ditësh si kusht për qeverinë dhe kryeministrin

Zbardhet rendi i ditës i mbledhjes së parë të Këshillit të Lartë të Prokurorisë, e cila do të zhvillohet në orën 11:00 të së mërkurës në

Një ish-regjistrues dhe tre specialistë të zyrës vendore të Regjistrimit të Pasurive të Paluajtshme në Pogradec janë kallëzuar penalisht

Pas kërkesës së shtuar të studentëve drejt Ambasadave të BE-së dhe SHBA-së në vendin tonë, vjen dhe reagimi i delegacionit të BE-së në Ti

Instituti i Gjeoshkencave, Energjisë, Ujit dhe Mjedisit ka dhënë parashikimin e motit në vend, mbi situatën e reshjeve, temperaturave dhe

Ka skaduar afati për ankimet e prokurorëve në garë për KLP.

Në kuadër të masave ligjore që ndërmerren nga Ministria e Brendshme dhe institucionet e tjera shtetërore për vendosjen e një regjimi të r

Pak ditë pas kësaj deklarate të Ministrit të Infrastrukturës, dalin në dritë të tjera të dhëna që zbulojnë se kush qëndron pas kompanisë

Gjatë takimit me kryeministrin Edi Rama në Universitetin Bujqësor të Tiranës, rektori Bahri Musabelliu teksa i përgjigjej një studenti të