Policia Bashkiake në Durrës me zyra të reja, tashmë edhe një sallë operative për problematikat e qytetarëve (FOTO)

28/09/2018 - 19:55

   Janë inaguruar paraditen e kësaj të premteje zyrat e reja të Policisë Bashkiake të Durrësit. Zyrat e reja të kësaj policie janë vendosur pranë një tjetër drejtorie të rëndësishme në Durrës, asaj të Hekurudhës Shqiptare.

Në inagurimin e zyrave ka marrë pjesë edhe kryebashkiaku i Durrësit, Vangjush Dako, i cili, i shoqëruar nga kreu i Policisë Bashkiake Vasip Çopa, ka inspektuar ambientet e reja.

Dako ka vlerësuar punën e kësaj policie gjatë periudhës së drejtuar nga Çopa, pasi rezultatet janë të prekshme nga të gjithë qytetarët durrsakë. Hapësira publike që prej vitesh ishin zënë nga ambulantët dhe tregtarët e bizneset i janë rikthyer durrsakëve.

Ndërkohë kreu i Policisë Bashkiake, Vasip Çopa, tha për DurrësLajm se pas inagurimit të zyrave të reja, kjo polici është një institucion i ve­çantë, në varësi të bashkisë.

“Tani mund të themi me plot gojën se kemi ngritur institucionin e Policisë Bashkiake, siç e meriton Durrësi dhe qytetarët e tij. Tani jemi më pranë qytetarëve për zgjidhjen e problemeve të tyre. Kemi ngritur edhe sallën operative, ku qytetarët mund të telefonojnë dhe të parashtrojnë problematikat që i shqetësojnë dhe që do të marrin zgjidhje nga Policia Bashkiake”,- tha Çopa.

Por ajo që e bën edhe më funksionale këtë polici është fakti se është rritur numri i efektivëve të saj. Nga 20 efektivë që ishin më parë, numri ka mbërritur në 32, ndërkohë që do të rritet edhe më tej.

“Para një jave është miratuar nga Këshilli i Ministrave projekt-struktura që kemi hartuar muaj më parë. Së shpejti, Policia Bashkiake do të ketë 80 efektivë. Do të nisim procedurat e konkurimit për 48 punonjës të tjerë. Kjo është një arritje e madhe”,- tha Çopa për DurrësLajm.

Ndërkohë, përsa i përket sezonit të vjeshtës, Çopa thekson se me mbylljen e sezonit turistik, policia bashkiake është në krye të detyrës si asnjëherë më parë.

/portali DurresLajm/

Na bëni like në facebook!: 

Lajme nga e njëjta kategori

Në orën 18.00 të së premtes përfundon afati për të aplikuar tek platforma online e rindërtimit “Shtëpia ime”.

Zëdhënësi i Presidencës, Tedi Blushi ka reaguar pas thirrjes së ambasadës amerikane që shtetasit amerikanë të kenë kujdes më datë 2 mars,

Gjatë muajit janar 2020, në kalatat e portit të Durrësit janë përpunuar 304 mijë tonë mallra të ndryshme.

Ambasada e Shteteve të Bashkuara të Amerikës në Shqipëri i ka bërë apel qytetarëvet të saj të bëjnë kujdes ditën e hënë kur pritet të mba

Pas lajmit për arrestimin e botuesit dhe analistit Henri Çili, ka reaguar me një qendrim të unifikuar Profesorati i Universitetit Europia

Në Shqipëri botuesi i njohur Henri Çili, pronar i Universitetit Europian të Tiranës, një prej institucioneve arsimore më të mëdha në vend

Ministri i Brendshëm Sandër Lleshaj ka reaguar në “Twitter” pas publikimit të informacioneve nga Drejtori i Përgjithshëm i Policisë së Sh

"Black Friday" në kompaninë "Smart Center”,  ofertë speciale për të gjithë ata që duan të ndjekin kurse profesionale për punësim të sigur

Kanë sfiduar të ftohtin therrës dhe shiun për të qëndruar me orë të tëra në shenjë proteste para bashkisë së qytetit. Nuk kanë gjetur zgj