Policia e Durrësit ka ushtruar gjatë natës kontrolle në lokale, të cilët mbajnë muzikë të lartë duke shqetësuar banorët.

Burimet zyrtare njoftojnë se është proceduar në gjendje të lirë 32-vjeçari që administron një lokal të njohur në lagjen nr.1, Durrës për veprën penale "Prishja e qetësisë publike.

NJOFTIMI I POLICISË

Në kuader të bashkëpunimit me qytetarët, si dhe reagimit të Policisë, pas denoncimeve të qytetarëve për raste të paligjshmërise, pas një telefonate në Sallën Operative Durrës, se në një lokal të njohur në lagjen nr.1, Durrës, kishte muzikë të lartë, Patrulla e Përgjithshme  në bashkëpunim me Specialistët për Hetimin e Krimeve në Komisariatin e Policisë Durrës, shoqëruan në ambientet e Policisë dhe proceduan penalisht shtetasin:

E.H.,32 vjeç,banues në Durrës.

Në lokalin që ky shtetas administron, pas ankesave te banoreve Policia ushtroi kontroll.

Si rezultat u kostatua muzikë e lartë dhe zhurma, të cilat shqetësonin banorët.

Materialet i kaluan Prokurorisë së Rrethit Gjyqësor Durrës për veprime të mëtejshme.