“Policia më hodhi granatë tek këmbët”, gazetari: Kam probleme me dëgjimin

18/04/2019 - 22:47

Gazetari i News24 Erjon Skëndaj ka bërë një rrëfim tronditës sot në emisionin “Të paekspozuarit” në News24. Ai tregoi se në protestën e 16 marsit të opozitës ku raportonte nga terreni, policia i ka hedhur granatë zhurmuese tek këmbët që i ka shkaktuar probleme me dëgjimin.

Duke u interesuar për këtë armë, Skëndaj tha se kishte mësuar se përdorej nga forcat speciale për neutralizimin e personave me rrezikshmëri të lartë.

“Në protestën e 16 prillit, më hodhën një granatë taktike zhurmuese, isha i vetëm. Sapo kishin kaluar mjetet e ujit me presion dhe nuk kishte njerëz. Jam 30 metra larg nga parlamenti. Isha i identifikuar pasi kisha dhe xhupin e News dhe me kartë. Kam pasur dhe kundragaz. Nuk kishte njerëz ndonjë kalimtar tek-tuk. Të gjithë largohen, jam vetëm unë që filmoj forcat e FNSH dhe më hidhet një granatë zhurmuese që mua më ka shkaktuar dhe një dëm në veshin e majtë. Nuk jam konsultuar duke qenë se jam dhe gazetar i shëndetësisë, do pres 30-40 ditë mos ka rikuperim gradual. Atë ditë dhe dy-tre ditë më pas veshi më oshëtinte.
Unë kam pyetur ish-drejtues të lartë të forcave RENEA, kjo armë është në dispozicion të forcave speciale, përdoret për neutralizimin e personave me rrezikshmëri të lartë. Nga informacionet që kam, kjo armë përdoret për këtë gjë. Kjo është përdorur në protestën e 16 shkurtit. Përveç se bën zhurmë shurdhuese, lëshon dhe gaz CS, neutralizues ose lotsjellës”
, deklaroi Skëndaj.

Ai tregoi detaje të tjera për këtë lloj gazi kur u pyet nga gazetari Ylli Rakipi nëse është i certifikuar për t’u përdorur kundër qytetarëve.

“Nga drejtues të RENEA-s mësova se gazi përdoret i komanduar, tek personat me rrezikshmëri maksimale, jo në masë. Më është thënë që përmbajtja e piperit kur hyn në sistemin e frymëmarrjes, në indet e buta dhe bllokon frymëmarrjen. Duhet paralajmëruar që përdoret”, tha gazetari Skëndaj.

Për gazetarin Skendaj, është fat që nuk ka patur asnjë viktimë gjatë këtyre protestave nga përdorimi i gazit. “CS dhe CN përdoren por në mënyrë të kufizuar. Duhet paralajmëruar që do përdoret ky gaz dhe për personat që vuajnë nga insufiçenca kardiake. E shikoni makinën e ujit, edhe uji ka përmbajtje piperi.  Unë mund t’ju them me besim të plotë atë që kam parë te porta sekondare e parlamentit. Protestuesit e mbyllin vetë portën.

Portën e hapën protestuesit dhe e mbyllën po vetë. Në të dyja protestat gazi është përdorur edhe kur nuk ka patur njerëz apo rrezikshmëri për t’iu afruar Kuvendit. Gazi më i rrezikshëm është ai që pompohet në sasi të madhe. Mund të shkojë në 500 metra lartësi. Është fat që nuk ka vdekur ndonjë i sëmurë me zemër.”-u shpreh gazetari Skendaj.

/portali DurresLajm/

Na bëni like në facebook!: 

Lajme nga e njëjta kategori

Ditën e sotme kryeministri Edi Rama takoi në selinë e PS-së, shefen e Misionit të ODIHR, Adry Glover.

Kryeministri Edi Rama pritet të vijë sot në Durrës për të zhvilluar takimin përmbyllës të fushatës elektorale për bashkinë e qytetit breg

Plazhi ka nisur, por një sërë kërkesash të reja të vendosura nga Ministria e Mjedisit, që kanë të bëjnë me krijimin e hartave të reja për

Ambasadori i Bashkimit Evropian në Tiranë, Luigi Soreca, ka takuar ditën e sotme kryetarin e Këshillit të Emërimeve në Drejtësi, Ardian D

Kolegji Zgjedhor shqyrton sot kërkesën e Idajet Beqirit, kreut të Partisë Uniteti Kombëtar i cili kërkon shfuqizimin e vendimit të KQZ, i

Franca do të goditet nga një valë e nxehtë gjatë kësaj jave, me temperatura që parashikohen të shkojnë mbi 40 gradë Celsius.

Drejtori i Hekurudhave në Durrës, Ani Dyrmishi është thirrur Prokurorinë e Krimeve të Rënda për dosjen “339”, një pjesë e përgjimeve të s

Drejtori i burgut të Reçit, Gëzim Selimi është dorëhequr nga posti ditën e sotme.

Mbytet një pushues i moshës rreth 60 vjeç pranë Shtëpisë së Pushimit të Ministrisë së Brendshme në Durrës.

Kisha Ortodokse Autoqefale e Shqipërisë ka reaguar ashpër lidhur me takimet e fundit elektorale të socialistëve, të zhvilluara brenda amb