Problemi vazhdon në Vlorë/ Aty ku lahen pushuesit, derdhen ujërat e zeza në det (VIDEO)

23/08/2019 - 16:49

Derdhja e ujërave të zeza në det është pamja më e shëmtuar që iu serviret pushuesve vendas dhe të huaj që zgjedhin bregdetin e Shqipërisë për të kaluar pushimet verore.

Ky është një problem që mbetet mjaft shqetësues prej vitesh në qytetin e Vlorës. Më herët Kryeministri Edi Rama në një prej vizitave të tij në qytetin bregdetar, premtoi se që në vitin 2018 do të fillonte puna për ndërtimin e impiantit që do t’i jepte zgjidhje përfundimtare çështjes së ujërave të zeza, por edhe për këtë verë problemi është sërish prezent.

DurrësLajm” sjell pamje nga zona e Plazhit te Lungomare, ku era e rëndë kutërbon kudo, ndërsa kanali ku dalin ujërat e zeza direkt e në det është krejtësisht evident. Aty ku shkarkohen ujërat, lahen edhe pushuesit, madje edhe disa fëmijë të vegjël ndodhen pikërisht në vendin ku bashkohën ujërat e ndotura.

Ujërat e zeza që derdhen në det nuk shqetësojnë vetëm për erën e keqe, por janë së pari burim për përhapjen e infeksioneve për të vegjël e për të rritur.

Dy vite më parë, Plazhi i Vjetër dhe ai pranë Akademisë së Marinës u cilësuan gjatë monitorimeve të bregdetit nga Agjencia Kombëtare e Mjedisit, si dy nga plazhet më të ndotura në bregdetin e Vlorës. Bëhet fjalë për dy plazhe publike, ku edhe interesimi i qytetarëve mbetet mjaft i madh, pavarësisht mungesës së pastërtisë së ujit dhe ndotjes nga ujërat e zeza. Me përfundimin e projektit të Lungomares u mendua se ky problem do të zgjidhej, minimalisht në zonën e plazhit të Akademisë së Marinës, por as ky projekt nuk i dha zgjidhje situatës në këtë zonë.

/portali DurresLajm/

Video: 
Na bëni like në facebook!: 

Lajme nga e njëjta kategori

Ditën e sotme në Prishtinë, Ministrja e Arsimit, Sportit dhe Rinisë Besa Shahini ka zhvilluar një takim me homologun e saj, Ministrin e A

Shkon në 104 numri i personave që kanë humbur jetën nga Covid-19 në vendin tonë.

Ministria e Shëndetësisë ka përditësuar të dhënat e fundit lidhur me situatën e Covid-19 në vendin tonë.

Për të disatën herë Greqia shtyn afatin e mbylljes së kufijve me Shqipërinë.

Sipas MeteoAlb, orët e para të ditës këtë të enjte do të jenë me alternime kthjellimesh dhe vranësirash të lehta.

Shefja e Inspektoratit Shëndetësor Shtetëror, Vjollca Braho, është e prekur me COVID-19.

Organizata Freedom House me qendër në Uashington tha se demokracia në Shqipëri pësoi rënie gjatë vitit 2019, duke materializuar shqetësim

Këshilli Bashkiak i Durrësit ka zhvilluar sot një tjetër mbledhje të jashtëzakonshme me mjete të komunikimit elektronik ku ka miratuar kë

Teksa vendi ynë po përballet me shifra në rritje të rasteve me koronavirus, qeveria shqiptare vendosi sot përdorimin e maskës/barrierën m

Përmes një postimi në Facebook, aeroporti i Rinasit ka njoftuar se do të ndalohen fluturimet me Vjenën nga data 16 korrik deri më 31 korr